На пет натпревари до крајот на сезоната, борбата за опстанок на дното на табелата во Бундеслигата е крајно интересна и неизвесна. Штутгарт ќе тргне во потрага по клучната победа во сабота, кога ќе патува на гости кај Мајнц 05.
Гостите се најдоа на само бод над последната тројка по поразот од Борусија Дортмунд минатиот викенд, додека домаќинот е на средината на табелата со минимални шанси за пласман на местата кои водат во Европа следната сезона.
Мајнц без притисок го чека крајот на сезоната
И покрај тоа што мораше да се бори низ сезоната нцела сезона со својата неконзистентност, Мајнц, успеа да се држи подалеку од опасната зона во Бундеслигата и собра 11 победи и 38 поени од нивните 29 натпревари досега.
Тимот на Бо Свенсон го потврди својот статус на прволигаш со победите над фаворитите Хофенхајм и Баер Леверкузен, но победата од 4:0 против Арминија Билефелд е единствена во последните шест натпревари од средината на Февруари.
Доколку не беше оваа негативна серија, Мајнц веројатно ќе беше на местата кои водат во Европа, но сега тоа е многу тешко остварливо. По ремито со Менхенгладбах, Мајн забележа два брзи порази од Аусбург и Келн.
Тимот на Свенсон сепак ќе се стреми кон што е можно повисок пласман во лигата, а сега против Штудгард имаат добра шанса да ја подобрат својата 10-та позиција на табелата.
Штутгарт во тешка битка за опстанок
Штутгарт доаѓа на гости во многу поочајна ситуација, а гостите се на само еден бод над зоната за испаѓање.
Бидејќи беа вклучени во битката за опстанок во текот на целата сезона, фудбалерите на овој тим се најдоа заглавени во зоната за автоматско испаѓање на почетокот на Март, но тие успеаја да го подобрат својот статус благодарение на подемот во формата.
Избраниците на Пелегрино Матарацо најпрво ја прекинаа серијата од девет натпревари без победа победувајќи ја Борусија Менхенгладбах со 3:2, а потоа следеше реми за пофалба против седмопласираниот Унион Берлин и витална победа од 3:2 против Аугсбург. На последните два меча имаат реми со Арминија и пораз во минатото коло од Дортмунд.
Сега, по поразот од Борусија Дортмунд, избраниците на Матарацо се наоѓаат на само еден бод над плејофот за испаѓање и иако сега имаат поголеми шанси за опстанок, знаат дека имаат далеку повеќе работа ако сакаат да го избегнат испаѓањето, почнувајќи со победа викендот.
Be the first to comment