Откако ја шокираше цела Англија со убедлива победа на Стемфорд Бриџ, Брентфорд има за цел два пати по ред да победи лондонски ривал кога ќе биде домаќин на Вест Хем Јунајтед во недела попладне.
Тимот на Томас Франк забележа победник од 1:4 над Челзи во нивниот последен дуел, додека „чеканите“ влегуваат во натпреварот откако ремизираа 1:1 со Лион во првиот натпревар од четврт-финалето на Лига Европа.
Брентфорд влезе во топ форма
И покрај тоа што се европски и светски шампиони, и покрај серијата од шест победи по ред – Челзи ја почувствува целата сила на убодот на пчелите и едноставно не можеше да се спротистави на разиграниот Брентфорд.
„Сините“ можеби поведоа со голот на Антонио Рудигер, но Брентфорд од 50-та до 60-та минута со двата гола на Јанелт и голот на Ериксен веќе водеше со 1:3. Голот на Виса во 87-та минута само ја запечати судбината на Челзи. Сега Брентфорд е во серија од три победи на последните четири меча, откако славеше и над Барнли и Норвич, а единствено загуби од Лестер со 2:1.
Тимот на Френк го зазема 14-тото место на табелата пред ова коло. Имаат 33 бода, односно девет бода повеќе од екипите кои се во опасната зона. Но мора да се истакне дека тие имаат повеќе натпревари од неколку екипи кои се под нив на табелата и не смеат да се опуштат сеуште.
Постигнувањето 10 гола на нивните последни четири натпревари во Премиер лигата не е преголемо изненадување со оглед на напаѓачки талент со кој располага Френк, а можноста да го израмни рекордот на Вест Хем од 14 бода од лондонските дербија во нивната прва сезона во Премиер лигата, е само уште едне мотив плус за пчелите.
Вест Хем заморен, но со големи мотиви
Вест Хем одигра еден навистина тежок меч во Лига Европа во четвртокот и тоа ќе биде нивниот главен проблем пред ова гостување. Одиграа 1:1 против Лион на домашен терен и ќе имаат тешка задача на реваншот во Франција. Беа хендикепирани откако Кресвел заработи црвен картон пред крајот на полувремето, но сепак поведоа со голот на Боувен во 52-та минута.
Сепак Лион беше супериорен и израмни, а имаше шанси и за победа, па Вест Хем може да биде и среќен со ремито.
Во Премиер лигата тимот на Мојс останува шестопласиран на табелата пред Вулвс и Манчестер Јунајтед кои се многу блиску до нив. Од друга страна Вест Хем има само три бода помалку од Арсенал и Тотенхем и тука со овие екипи се затвора кругот во борбата за пласман во Лигата на Шампиони следната сезона.
Проблем пред финалната битка сезонава се гостинските натпревари. Формата на гости не е на страната на Вест Хем – со тоа што „чеканите“ ги загубија последните четири меча на гостински терен во сите натпреварувања и се без победа на гостински терен во лигата од Нова година.
Be the first to comment