Откако му го нанесе на Пари Сен Жермен најтешкиот пораз во сезоната пред репрезентативната пауза, Монако се враќа со настапите во Лига 1 со гостување кај слабиот Мец на Стад Сен Симфориен во недела попладне.
Избраниците на Филип Клемент последниот пат постигнаа три гола против ПСЖ, додека нивните претстојни домаќини беа декласирани со 6:1 на гостувањето кај Рен.
Тешко дека Мец ќе обезбеди опстанок сезонава
За Мец судбината во Лига 1 е надвор од нивни раце, бидејќи менаџерот Фредерик Антонети продолжува да ја одлежува својата долга суспензија од теренот, а тие воопшто не си направија услуга за опстанок за време на нивното патување во Рен пред два викенда.
Мец прими пет гола на Лес Руж и Ноар пред истекот на првиот час, па останатите 30 минути беа само мачење. Губеа и со 6:0, пред Мафоута да го постигне единствениот гол за Мец во 87-та минута.
Пријателската победа од 2:0 над германскиот нисколигаш Вехен Визбаден во текот на меѓународната репрезентативна пауза не значи ништо, а нивното 19-то место на табелата станува се позагрижувачко од недела во недела.
Со серијата од осум натпревари без победа, тимот на Антонети не изгледа како да ќе ја заврши таа серија наскоро, иако доцниот гол на Мафоута против Рен, барем стави крај на серијата од четири натпревари без гол за Мец.
Сепак, голот на Мафоута е само еден од двата гола што Мец ги постигна во последните 720 минути игра во првата лига, а рекордот од само една победа од нивните последни 22 натпревари во Лига 1 против Монако, нема да придонесе за зголемена самодоверба.
Победата над ПСЖ, му дава крилја на Монако
Токму кога почна да се појавува незадоволство на „Стад Луј II“, Монако на Клемент ја имаше една од нивните најдобри изведби во последно време и го посрамоти ПСЖ кој ја брка титулата. Монако неочекувано славеше убедливо со 3:0 и што е уште поважно, тие не беа инфериорни против ПСЖ во ниту еден момент.
Најдобриот стрелец во Лига 1, Висам Бен Једер го постигна својот 16-ти и 17-ти гол во најдобрата негова сезона, а уште еден гол постигна Кевин Воланд против ПСЖ. Сега нивната цел – излез во Европа, е веќе лесно достижна и зависи само од нив.
Откако победија само една од нивните претходни осум средби пред таа победа од 3:0 и видоа дека нивната епизода во Лига Европа завршува по елиминацијата од Брага, на Монако навистина им требаше тој блесок против ПСЖ.
Сега екипата е целосно посветена на домашниот шампионат и доколку одигра барем на половина ниво од тоа ниво кое го имаше против ПСЖ, нема да има проблем да слави победа против Мец.
Be the first to comment