Севиља има одлична можност да му се приближи на лидерот во Ла Лига – Реал Мадрид на само пет бода, откако мадриѓани претрпеа неочекуван пораз од Гетафе.
Севиља во понеделник гостува кај Кадиз и ако ја оправда фаворитската улога ќе ја направи сезоната многу поинтересна.
Тимот на Лопетеги моментално е на второто место на табелата, со осум бода помалку од Реал Мадрид но и со два натпревари помалку, додека Кадиз е на 19-та позиција, со два бода помалку од 17-топласираниот Елче.
Кадиз го чека тешка битка за опстанок
Кадиз беше одличен во Ла Лига минатата сезона, завршувајќи на 12-тото место, но им беше тешко да покажат конзистентност во текот на оваа сезона, освојувајќи само 14 бодови од нивните 18 натпревари, што ги остави на 19-та позиција на табелата. Уште од сега е јасно дека оваа екипа ќе има тешка задача да обезбеди опстанок.
Оваа екипа победи на само два од нивните 18 последни лигашки натпревари, но барем забележаа две победи во Купот на Кралот минатиот месец, совладувајќи ги Вила де Фортуна и Албасете.
Сепак Кадиз го задржа Реал Мадрид во ремито без голови на Бернабеу пред мини зимската пауза, поточно на 19-ти Декември. Тоа може да им биде голем поттик пред продолжувањето на сезоната и голем мотив против Севиља. Проблем за нив пак ќе биде фактот што тимот на Алваро Сервера против Севиља минатата сезона одигра крајно лошо и загуби со 3:0 на Естадио Рамон, а дома со 3:1.
Севиља со можност која не се пропушта
Севиља е најблискиот предизвикувач на Реал Мадрид во Ла Лига оваа сезона, освојувајќи 38 бодови од нивните 18 натпревари и се наоѓа на второто место на табелата, осум бода зад лидерот Реал Мадрид. Но Севиља има два меча помалку од Реал и со две победи на тие дуели ќе дојде многу блиску до мадритскиот тим. Првиот меч е овој кај Кадиз и можност со победа да дојдат само на минус пет бода.
Севиља победи 11 натпревари, има пет нерешени средби и само два порази од нивните 18 првенствени натпревари, а примија само 13 гола до сега, со што тие ја имаат удобно најдобрата одбрана сезонава.
Формата е добра и Севиља собра 10 бода од последните четири првенствени натпревари, победувајќи ги Виљареал, Атлетик Билбао и Атлетико Мадрид во пеколниот распоред пред да ги подели бодовите со Барселона пред зимската пауза.
Сите очекуваа дека тимот ќе падне во еден така тежок распоред на дуели, но тие го направија спротивното и си ја олеснија задачата. Сега овој меч кај Кадиз е убедливо најлесниот по речиси повеќе од еден месец, иако само на хартија.
Кадиз со поголеми Ковид проблеми
Севиља има проблеми со Ковид како и речиси секоја екипа во Западна Европа, но за разлика од некои други во Ла Лига во овој тим има само три позитивни случаи: Диего Карлос, Ел Несри и Рекик. Ако се биде во ред со тестовите во понеделник, Севиља сепак ќе има силен тим иако освен овие неа да настапат и Сусо, Коунде и Ламела.
Во Кадиз четворица фудбалери се позитивни на Ковид, но тие имаат уште четворица повредени или суспендирани. Тое е сериозен проблем за овој тим кој нема широк ростер на фудбалери и квалитетни замени за секоја позиција на теренот.
Be the first to comment