И шкотланѓаните играат еден ден после Божиќ, а за разлика од Англија каде Ковид кризата откажа еден куп натпревари, во Шкотска ситуацијата е подобра. Може да се каже дека годинава во Шкотска ќе има поголема Божиќна програма …
Во мечот кој го одбравме ние, Данди ќе се обиде да се извлече од зоната за испаѓање на Боксинг деј кога патува кај Абердин, кој беше поразен во нивниот последен меѓусебен меч во средината на Октомври.
Катастрофална серија на Данди
Темносините влегуваат во овој меч по серија од четири порази по ред, најлоша серија од почетокот на сезоната. Момците на Џејмс Мекпејк имаат само четири победи досега во сезоната 2021-2022 година, а таа победа од 2:1 во Октомври над Абердин беше веројатно најслатка.
Сепак, тимот во моментов е во очајна серија. Не само што губи, туку воопшто не изгледа добро на терен. Освен тоа имаат мака во офанзивата па не постигнаат гол на три од претходните четири натпревари.
И покрај тоа, тие се уште се во позиција каде што само една победа може да ги извади од последните две места на табелата, што потенцијално ќе ги однесе до деветтото место во зависност од другите резултати.
Во исто време, поразот може да ги однесе на дното на табелата бидејќи Сент Џонстон заостанува само два бода, за што Данди ќе биде претпазлив.
Освен нападот, Данди ја има и најлошата дефанзива со 35 примени гола во текот на првите 19 натпревари.
Абердин сака одмазда
Абердин беше поразен минатото коло од Хибернијан, губејќи со 1:0 со голот на Рајан Портеус во второто полувреме. Ова ја прекина победничката серија од три натпревари во која уживаа фудбалерите од Абердин и тие сега ќе сакаат да се вратат на победничките патеки.
Тимот беше силен во дефанзива во последно време, при што не прими повеќе од еден гол на еден натпревар во текот на претходните четири натпревари, а Џо Луис на два пати ја зачува својата мрежа недопрена во таа серија.
Со оглед на тоа што Абердин моментално е седми, тие ќе сакаат да освојат нови три бода бидејќи тоа ќе ги однесе во првата половина од табелата која ќе разигрува во плеј-офот.
Стивен Глас се надева на подобрени перформанси од кога неговиот тим последен пат играше со Данди, а голем мотив им е и желбата за одмазда. Единствен проблем е тоа што поради новите рестрикции на Островот, натпреварите се играат без публика.
Be the first to comment