Во понеделник ќе се комплетира 16-то коло во турската Супер Лига со последните два меча. За нас поинтересен е дуелот меѓу Сиваспор и Галатасарај кој го одбравме за анализа и типување, па тоа ќе биде и нашиот тип на денот.
Терим под притисок
Галатасарај како да е двојна екипа – една за Европа, една за дома. Тие имаат одлична сезона во Лигата на Европа но очајна во Турција. Сепак, откако завршија како лидери во својата група пред Лацио, Марсеј и Локомотив Москва тие одат директно во осминафиналето и си ја олеснија задачата. Сега целосно се насочуваат кон домашниот шампионат каде са ноѓаат дури на 7-то место. Сакаа титула, но титулата сезонава ќе остане недостижна за нив. Лидерот Трабзонспор има неверојатни 16 бода повеќе од Галатасарај.
Она што уште повеќе го загрижува Фатих Терим е очајната форма пред овој меч. Немаат победа во лигата на последните четири меча забележувајќи три ремија и пораз. Во оваа серија славеа над Марсеј со 4:2 и одиграа реми во Рим кај Лацио во четвртокот но тоа не значи ништо кога во прашање е Супер лигата. Се наоѓаат под голем притисок и немаат друга опција освен да ги нападнат трите бода.
Сива влегува во посакувана форма
Сиваспор игра слабо сезонава, но за разлика од Галата, оваа екипа е во серија од две победи по ред. И не само тоа – Сива на последните седум средби има само еден пораз. Иако во оваа серија повеќето се ремија – вкупно четири и тоа по ред, екипата конечно почна да игра добар фудбал и да се искачува на табелата. Минатата сезона беа блиску до врвот, а амбициите се зонава се исти – излез во Европа. Од оваа гледна точка тешко е да се поверува дека можат во Европа, но ако продолжат со вакво темпо ќе бидат се поблиску до целта.
Дадоа пет гола на последните два меча во победите над вториот на табелата Хатајспор и над Аланијаспо и немам сомнеж дека и на овој меч ќе се обидат да ја искористат добрата офанзивна форма.
Be the first to comment