Откако се врати на победите во Лига 1 по репрезентативната пауза, Ница се подготвува да го пречека последно пласираниот Мец на Алијанц ривиера во сабота навечер.
Тимот на Кристоф Галтие славеше над Клермонт на гости со 1:2 во 14-то коло, додека гостите одиграа возбудливо реми 3:3 со Бордо на домашен терен.
Ница си гази сезонава
Како што тоа често го правеше во текот на изминатата година, Амине Гуири го спаси тимот на Ница против Клермонт на последниот меч, откако домаќинот беше во водство од 1:0 на полувремето со голот уште во 17-та минута. Тоа беше ден за заборав за голманот на Клермонт – Упарин Џоко, на неговиот прв настап во Лига 1, бидејќи 23-годишниот играч му дозволи на Гуири да постигне лесни голови.
Седмиот и осмиот гол на Гуири во сезоната на Лига 1 го донесоа на второто место на листата на најдобри стрелци во Франција зад Џонатан Давид, а со ист број на голови со Гаетан Лаборде. Ница се искачи на второто место, но сепак остануваат 11 поени зад лидерот ПСЖ кој е незапирлив сезонава.
Домаќините, влегуваат во натпреварот во сабота во слаба дефанзивна форма. Тие не ја сочуваа мрежата на ниту еден од последните осум натпревари, а примаат барем по еден гол на последните пет натпревари пред своите навивачи.
Мец со три ремија во серија
Тимот на Фредерик Антонети губеше со 0:2 од Бордо, па до полувреме беше 1:2, па 2:2. Бордо повторно поведе, а Мец и покрај црвениот картон на Боулаја постигна гол преку Нгуете за конечни 3:3 во лудиот меч минатиот викенд.
Трилерот со шест гола со Бордо го претставуваше третото реми последователно на Мец во домашниот шампионат – истовремено продолжувајќи ја нивната низа без победа на шест натпревари. Исто така тие останаа на дното на табелата како резултат со само девет бода зад своето име оваа сезона.
Момците на Антонети можеби покажаа поголемо чувство на издржливост во последниве недели, но тие се единствениот тим во дивизијата кој сеуште не дошол до 10 поени и веќе примија неверојатни 30 гола оваа сезона.
Од дрга страна, Мец победи со 1:2 на последниот дуел со Ница на Алијанц ривиера во Февруари и одигра реми 1:1 во првиот нивни дуел минатата сезона.
Be the first to comment