Волфсбург е домаќин на Бохум на Фолксваген арената во сабота на отворањето на Бундеслигата. Двете страни се среќаваат по успешната мината сезона, иако во различни лиги.
На Бомел ќе му биде тешко да ја повтори минатата сезона
Волфсбург ја започнува новата сезона со високо расположение откако минатата година заврши на четвртото место и се квалификуваше во Лигата на шампионите за прв пат од сезоната 2015-16.
Сепак, тие имаат нов менаџер откако Оливер Гласнер замина во Ајнтрахт Франкфурт, како дел од менаџерската размена во текот на летово во Германија, каде еден куп менаџери ги променија своите екипи.
Замената на Гласнер е холандската легенда и поранешен менаџер на ПСВ Ајндховен, Марк ван Бомел и бидејќи ова е негова прва работа откако го напушти ПСВ во декември 2019 година. Тој ќе сака да докаже дека ги поседува атрибутите потребни за да биде врвен менаџер по успешната играчка кариера.
Сепак, раните знаци не беа премногу ветувачки за Волфсбург досега – подготовките во предсезоната беа лоши. Волфсбург имаше само една победа, на првиот пријателски меч со Оје, а од тогаш следеа пет порази, пред тимот да слави во првото коло во купот над Мунстер, но дури по продолженија.
Иако пријателските натпревари не се секогаш најголемиот показател за вистинските шанси на тимот во сезоната што следи, сепак јасно е дека Бомел ќе има тешка задача да ја повтори минатата сезона.
Бохум нема да има епизодна улога во германската елита
Во меѓувреме, Бохум се врати во Бундеслигата за прв пат од сезоната 2009-10, откако минатата година ја освои титулата во втората Бундеслигата. Откако завршуваа околу средината на табелата во претходните неколку години, првото место значеше дека тоа беше извонредно достигнување за нив.
Сепак, тимот на Томас Реис не би требало да има епизодна улога во Бундеслигата, а најдобар показате за тоа се предсезоските натпревари.
Бухум забележа победа на четири од седумте натпревари, вклучувајќи и победа од 1:3 на гостувањето кај Борусија Дортмунд.
По таа серија, Бохум се избори за победа од 1:2 на гостувањето кај Вуперталер во првото коло на ДФБ-Покал викендов, иако и тие имаа потреба од дополнително време за да победат.
Голем проблем за нив е заминувањето на ѕвездата од минатата сезона, Роберт Зуj кој отиде во Ал Итихад. Неговите 15 гола и 15 асистенции минатата сезона сигурно ќе недостасуваат сезонава.
Be the first to comment