Вест Хем ќе се обиде да го задржи притисокот врз најдобрите четири екипи на табелата со позитивен резултат против Арсенал во недела.
Домаќините во моментов се наоѓаат на петтото место на табелата – онаму каде што се очекуваше да биде Арсенал – додека момците на Микел се на средината на табелата – токму каде што се претпоставуваше дека Вест Хем ќе заврши.
Вест Хем со мотиви и желба до небо
Второто враќање на Дејвид Мојс на „Олд Трафорд“ во период од еден месец не се покажа како добро за искусниот Шкотланѓанец. Вест Хем загуби од Јунајтед во Купот, а минатото коло и во лигата со 1:0. Навистина тежок е распоредот на Вест Хем. Во изминатите четири меча прво славеа над Тотенхем со 2:1, па загубија од Сити со 2:1, за веднаш да слават над Лидс со 2:0. Па потоа дојде поразот во минатото коло и сега повторно се пред дерби меч.
Сепак, Мојс мора да биде задоволен и тоа не само од резултатите, туку и од играта на тимот. Ако се земат во предвид домашните натпревари, тогаш Вест Хем на последните шест меча само еднаш загуби и тоа од Ливерпул, а сето останато се победи.
Впрочем, на домашен терен оваа екипа загуби само еднаш во последните девет средби во сите натпреварувања. Вест Хем заостанува само со три бода во однос на Челзи кој е на последното место кое води во Лигата на Шампиони следната сезона и нема сомнеж дека ова е шанса која ретко се укажува на екипи од рангот на Вест Хем, па мотивите се на многу високо ниво.
Артета без решение за дефанзивните проблеми
Арсенал претрпеа разочарувачки пораз во реваншот во Лигата на Европа во четвртокот вечерта од Олимпијакос, но Арсенал успеа да го резервира своето место во четврт-финалето и покрај поразот од 0:1, бидејќи славеа на гости со 1:3.
Тоа беше натпревар кој Артета ќе сака да го заборави што поскоро. Дефанзивата повторно се покажа како најслаба алка на тимот и Артета нема решение за тој проблем. Продолжи и серијата од 11 натпревари по ред во кој Арсенал прима барем по еден гол, а амбициите од стартот на сезоната недостижни.
Арсенал се на 10-то место и треба да се случи чудо за да обезбедат пласман во Лигата на Шампиони. И не само тоа, тие се далеку дури и од местата кои водат во Лигата на Европа.
Сепак, тимот на Артета како да живна последните три недели. Во премиер Лигата имаат две победи и тоа над Тотенхем и Лестер и реми со Барнли на последните три меча. Сега имаат тежок испит пред себе против екипата која е целосна спротивност на нив оваа сезона.
Be the first to comment