Задоволни од пласманот во четврт-финалето од Лигата на Европа, Виљaреал во Ла Лига на домашен терен ќе го пречека Кадиз во недела.
„Жолтата подморница“ моментално е седма во Шпанија, со два бода помалку од шестопласираниот Бетис, додека Кадиз ја зазема 14-та позиција на табелата.
Виљареал конечно се врати на победите во Ла Лига
Виљареал, како што споменавме, го резервираше своето место во последните осум од Лигата на Европа во четвртокот вечерта со победа од 2:0 над Динамо Киев во реваншот од нивниот натпревар, за вкупни 4:0.
Тимот е импресивен во Европа, но разочарувачки во лигата откако забележа пад од петтата на седмата позиција, ставајќи се во ситуација да бидат далеку од Европа следната сезона, освен секако ако не ја освојат Лигата на Европа.
Помеѓу 20-ти јануари и 5-ти март, Виљареал не победи на ниту еден натпревар во лигата. Екипата имаше катастрофална серија од осум меча без победа забележувајќи пет нерешени средби и три порази. Сепак минатиот викенд успеа да освои конечно три бода благодарение на победата од 1:3 на гостувањето кај Еибар.
Екипата на Унаи Емери сега ќе се обиде да оствари три победи во низа во сите натпреварувања и да ја намали разликата од Сосиедат кој има пет бода повеќе од Виљареал и се наоѓа на 5-то место. Впрочем, траа позиција е целта на Виљареал до крајот на сезоната.
Кадиз е подобар на гости, отколку дома
Интересно, но Кадиз е релативно силен на своите гостувања, собирајќи 16 поени од 13 натпревари. АКо се земат во предвид само гостинските натпревари во Ла Лига, тогаш Кадиз би се нашол на 8-то место.
Кадиз ќе влезе во натпреварот овој викенд по нерешениот резултат 1:1 со Алавес на 13-ти март, со што остана на пет бода од последните три екипи на табелата во Ла Лига.
Разочарувачкиот почеток на 2021 година, го стави тимот на Алваро Сервера во незавидна положба, но нештата полека се менуваат и Кадиз е се помирен и посигурен.
Кадиз е најдобар со најдобрите, а уште една потврда дека оваа екипа е одлична на гостувањата е победата над Реал Мадрид. Освен тоа, Кадиз славеше и над Барселона сезонава со 2:1 на домашен терен.
Be the first to comment