Дербито на колото во Ла Лига ќе се одигра на Естадио Рамон Санчез Пискуан во Севиља, каде истоимената домашна екипа ќе ја пречека Барселона, во сабота попладне.
Има само два бода разлика помеѓу двете екипи на табелата во пресрет на натпреварот, со тоа што Барса во моментов ја зазема третата позиција, додека Севиља е четврта, со удобна разлика и меч повеќе од петтопласираниот Реал Сосиедад.
Севиља со најдобра форма во Ла Лига
Севиља се наоѓа во импресивна форма, особено од почетокот на 2021 година. Во Ла Лига, имаат 15 победи, 3 нерешени и пет порази од 23 натпревари за 48 бодови, што е доволно за пласман на четвртата позиција на табелата. Но тие имаат само седум бода помалку од лидерот Атлетико Мадрид.
Избраниците на Лопетеги заостануваат само на два бода помалку од третопласираната Барса и на само четири бода од второпласираниот Реал Мадрид, а имаат еден натпревар помалку од нив, што значи дека пласманот во топ-четири е прилично безбеден во оваа фаза од сезоната.
Имаат шест победи по ред во Шпанија и тоа на импресивен начин – имаат примено само еден гол во оваа серија, а на последните пет средби ја зачуваа својата мрежа недопрена.
Во овој натпревар влегуваат по победата од 0:2 кај Осасуна во понеделник вечерта. Ќе биде интересен овој меч и затоа што следната недела двете екипи ќе играат во реваншот од полуфиналето на Копа дел Реј, каде Севиља има предност од 2:0 од првиот натпревар на „Естадио Рамон“.
Единствен можен проблем за Севиља е тоа што следната недела го играат реванш натпреварот со Борусија Дортмунд во Лигата на Шампиони, а на гости треба да бркаат негатива откако загубија во првиот меч со 2:3.
Барса во добра форма, но пред елиминација од Купот и ЛШ
Барса ќе влезе во натпреварот овој викенд по импресивната победа над Елче со 3:0 во средата.
Како и Севиља, така и каталонскиот гигант се соочува со елиминација во Лигата на шампионите, откако загубија со 1:4 на домашен терен од ПСЖ. Освен тоа, како што споменавме, тие имаат негатива од два гола и во полуфиналето од Купот на Шпанија и тоа токму против Севиља. Тоа значи, дека полека но сигурно Куман целосно ќе се насочи кон Ла Лига.
Факт е дека Барса имаше проблеми оваа сезона, како на теренот, така и зад затворените врати, но тие не се поразени во лигата од почетокот на декември и имаат победено осум од последните девет натпревари во Ла Лига.
Тимот на Куман во моментов е трет, со два бода помалку од второпласираниот Реал Мадрид, додека тие се на само пет бода подолу од лидерот Атлетико, што укажува на тоа дека предизвикот за титулата не е невозможен во оваа фаза. Но веќе секој меч за нив во лигата ќе биде од големо значење.
Be the first to comment