Брајтон е домаќин на Арсенал во меч кој привлекува големо внимание на островот. Впрочем, сезонава големо внимание е свртено кон Арсенал, поради катастрофалните резултати, но после победата над Челзи минатото коло, сега сите во екипата се надеваат на старт на победничка серија.
Брајтон игра одлично, но тешко доаѓа до бодови
Чудна сезона има екипата на Брајтон. Потер наметна еден невообичаен стил на фудбал на екипата, атрактивен, напаѓачки, но за жал тоа носи слаби резултати. Значи, Брајтон во најголемиот дел од средбите сезонава е надмоќен, но без резултат. Статистички гледано надигра екипи како Ливерпул ( 11:6 во удари кон голот ), Тотенхем, Евертон, Манчестер Јунајтед … но сето тоа е џабе кога не знаат добрите игри да ги преточат во резултати, во бодови. Затоа Брајтон е на 16-то место со само 13 бода, освоени од две победи, седум ремија и шест порази.
Но од 15 натпревари, на само три меча Брајтон не постигна гол што значи дека проблемот се наоѓа во дефанзива, можеби во нетипичниот за оваа екипа офанзивен пристап. Немаат победа на последните шест средби, но имаат три ремија во серија и нема сомнеж дека и против Арсенал ќе нападнат и ќе играат на гол повеќе.
Арсенал сака победата против Челзи, да биде почеток на победничка серија
Менаџерското столче на Артета во Арсенал се тресе. Како да биде поинаку кога екипата се наоѓа на 15-то место со очајни 17 бодови по 15 натпревари. Ова е катастрофален старт за екипата која пред сезоната имаше амбиции за пласман во Топ 4. Воедно, стартот на оваа сезона е всушност најлош во оваа фаза од сеоната уште од далечната 1974 година. Зборот криза се користи премногу често во фудбалот, но можеби тука е сосем соодветно бидејќи „топџиите“ рушат сопствени, но негативни рекорди.
Конечно, кога најмалку се очекуваше Арсенал сксплодираше и го совлада Челзи со 3:1 во дербито во саботата на Боксинг деј. Артета изненади многумина со почетниот состав, давајќи им шанса на неколку помлади фудбалери, а играше без Аубамејанг, Пепе, Себалос … Но наместо дебакл, како што очекуваа многумина дојде победа и многу важни три бода. Сега, овие кои одмараа со Челзи би требало свежи да се вратат во почетниот состав, а свежината во овој период ќе биде голема предност. Токму таа победа би требало да ја зголеми самодовербата во екипата пред овој важен и тежок меч кај Брајтон.
Можна почетна постава на Брајтон:
3-4-2-1 Санчез; Вебстер, Данк, Брн; Велтман, Бисума, Пропер, Марч; Лалана, Тросард; Мапај
Можна почетна постава на Арсенал:
4-2-3-1 Лено; Белерин, Холдинг, Мари, Тирнеј; Џака, Себалос; Пепе, Смит Роу, Аубамејанг; Лаказет
Be the first to comment