Арсенал на некој начин си ја заврши работата со пласманот во финалето на ФА Купот преку кои ќе обезбеди пласман во Европа, а Астон Вила е пред императив да слави победа на барем еден меч од двата до крајот на сезоната, ако сака опстанок.
Астон Вила доби ветер во грб по поразот на Ватфорд
Астон Вила доби можност за спасување по победата на Вест Хем над Ватфорд со 3:1 во петокот, што значи дека би можеле да го избегнат испаѓањето со една победа од последните два меча. Но тоа ќе се случи само доколку Ватфорд загуби уште еден меч, со оглед на тоа што има три бода предност во однос на Астон Вила.
Екипата на Дин Смит сепак нема лесна задача, па по овој меч со Арсенал ќе игра и со Вест Хем, но барем чеканите си ја завршија својата работа и нема да запнат за победа. Ватфорд има потешка задача од нив, па од таму и реалните можности за Астон Вила добиваат на тежина. Оваа екипа има солиден тим и не треба да се изненадите доколку изборат опстанок и покрај моменталната негатива и незгодна ситуација во која се наоѓаат. Освен тоа, Астон Вила славеше над Кристал Палас и одигра реми со Евертон во последните два меча.
Лига Европа е веќе обезбедена за Арсенал
Арсенал во овој меч влегува по својата огромна победа од 2:0 над Манчестер Сити во полуфиналето на ФА Купот во сабота вечерта и се чини дека тој натпревар ќе биде клучен за пласманот на екипата во Европа следната сезона, иако се уште постои можност за пласман во Лига Европа преку Премиер Лигата. Но сега, барем екипата може за момент да го тргне притисокот на страна.
Микел Артета има многу опции да го освежи својот тим, со возбудливиот напаѓач Сака, играчот од средниот ред Лукас Тореира и дефанзивецот Роб Холдинг, сите кои на клупата против Сити. Ако на таа победа над Сити, се додаде и победата минатото коло над новиот шампион Ливерпул со 2:1, тогаш можеме да заклучиме дека Арсенал се разигра.
Двете екипи со предности и слаби страни
Астон Вила има победа само на еден меч на домашен терен од рестартирањето на сезоната, 2:0 против Кристал Палас, а ниската стапка на Вила Парк е главна причина за нивната лоша позиција.
Нивните единствени други победи на домашен терен од почетокот на декември беа против Норвич (1:0) и Ватфорд (2:1), а нивниот домашен рекорд против екипите од врвот е нула победи, две ремија и седум порази, што не инспирира голема самодоверба.
Од друга страна Артета не ја подобри формата на гостувањата на Арсенал во Премиер лигата, но победите се остварени по рестартирањето. Тоа ветува подобри денови за Арсенал, но можеби следната сезона, за оваа добрата форма дојде премногу доцна.
Be the first to comment