Тотенхем е домаќин на Вест Хем во рамки на 31-то коло од англиската Премиер Лига. Двете екипи се во лоша форма, но и кај едните и кај другите постојат мотиви. Вест Хем брка опстанок, а Мурињо сака пласман во Европа, макар тоа би било и Лигата на Европа.
Спарси се далеку од пласман во Лигата на Шампиони
Спарси не успеаа да го задржат водството против Манчестер Јунајтед во петокот, откако водеше, но прими гол во 81-та минута за 1:1. Сепак, Мурињо мора да биде задоволен од тој бод. Тотенхем беше надигран и да не беше моменталниот блесок на Бервин, Спарси немаше да дојде ни до тој број. Мурињо и најави дека не е задоволен од прикажаното на неговите фудбалери.
Тотенхем е на 8-то место и игра под сите очекувања оваа сезона. Наместо да се бори за пласман во Лигата на Шампиони, тие веројатно ќе се борат за пласман во Лигата на Европа. Заостанувањето од четвртиот Челзи е девет бода, а реално тоа е голема разлика.
Можеби грешка на Мурињо беше слабата ротација на мечот со Јунајтед. Тој од можните пет, направи само две замени, а сите знаеме дека толку долгата пауза на фудбалерите не им прија на нивниот физикус.
Ќе треба да се вложат огромни напори за да се победи Вест Хем, а можно е да има и поголем број на измени во однос на предходниот меч на Спарси.
Загрижувачки времиња за навивачите на Вест Хем
Вест Хем с еврати по долгата пауза со пораз. Тоа не е ништо ново во тимот кој се бори за опстанок. Загубија од Вулвс на домашен терен и беа надиграни во сите сегменти на фудбалот. Ватфорд освои бод и стекна преднос во однос на Вест Хем и Бурнемут од еден бод, а пак Астон вила има еден бод помалку од Вест Хем. Ќе биде тешко до крајот за Вест Хем, но оваа екипа има квалитет за опстанок и би требало тој квалитет веќе еднаш сезонава да дојде до израз.
Дејвид Мојс најави постојани ротации во тимот, а тоа го докажа и на првиот меч каде играше со чудно изменет состав. Тој се надева дека со свежината на своја страна ќе освои повеќе бодови од своите конкуренти. Тие имаат и поширок ростер на фудбалери во однос на нивните конкуренти, па можеби Мојс има право да се надева на свежината.
Домашниот терен веќе не е голема предност
Домаќините се фаворити, но букмејкерите веќе не веруваат во нив како на почетокот на сезоната. Коефициентот за победа на Тотенхем е околу 1.70, за реми е околу 4.00, а за победа на гостите е околу 5.20.
Веќе предноста и не е така голема предност поради тоа што се игра пред празни трибини и тоа морате да го земете во предвид.
До понеделник наутро, имаше само три победи на домашен терен од 11 натпревари по враќањето на Премиер лигата.
Сведоци сме и дека домашните победи исто така драматично се намалија во Бундеслигата, но пак бројот на победите на фаворитите не се намали. Сега Тотенхем е домаќин и е фаворит, па би требало да дојде до трите бода за прв пат после четири натпревари во Премиер Лигата.
Be the first to comment