Унион Берлин е домаќин на Падерборн во рамки на 32-то коло од Бундеслигата. Домаќинот е фаворит и со победа ќе си го загарантира прволигашкиот статус, додека гостите се печени за испаѓање и немаат победа на последните 12 натпревари.
Унион Берлин со импресивна прва бундеслигашка сезона
Унион Берлин за прв пат во својата историја е во елитата на германскиот фудбал, по нивната промоција од втората Бундеслига минатата година.
Тие се 7 бода далеку од местата за испаѓање и со јаз од исто толку поени подалеку од плеј-оф-позицијата за испаѓање. Се чини дека се во прилично сигурна позиција, а можат и да напредуваат ако го вратат темпото од пред паузата.
А целта беше опстанок. Сите анализи и најаву на фудбалските експерти уверуваа дека оваа екипа веројатно ќе се врати веднаш во втората лига, но тоа барем за сега фудбалерите од Берлин го демантираат.
Фудбалот без публика не му одговара на тимот од главниот град
Можеби фудбалерите на Униот Берлин се опуштија повеќе од потребното. Имаа 12 бода повеќе од последната екипа која е во зоната за испаѓање, но влегоа во негативна серија. Така, по враќањето на фудбалот во Германија имаат три порази, две ремија и само една победа. Но добро е тоа што победија на последниот меч и тоа на гости во Келн со 1:2. Оваа екипа важи за домашен тим, каде пред своите навивачи може да слави против секого. Сега се игра без публика и тоа е голем хендикеп за нив, па веројатно од таму се овие негативни резултати. Но со победа на овој меч против Падерборн и тоа како ќе си го олеснат крајот на сезоната.
Потребно е чудо Падерборн да се спаси од испаѓање
Она што важеше за Унион Берлин пред сезоната, важеше и за Падерборн. Но за разлика од Унион, оваа екипа не се снајде баш најдобро сезонава. Тие се последни на табелата и имаат заборавено кога последен пат освоиле три бода. Тоа беше на 02 Февруари кога славеа кај Фрајбург. Од тогаш, Падерборн одигра вкупно 12 натпревари забележувајќи пет ремија и дури седум порази. Особено се загрижувачки натпреварите по враќањето од паузата, во кои Падерборн игра катастрофално и само на последните три натпревари прими неверојатни 12 голови, од кои дури 11 на домашен терен. Со 20 бода, или 11 помалку од безбедната зона оваа екипа е печена за испаѓање и треба да се случи чудо за и следната сезона да го гледаме Падерборн во германската фудбалска елита.
Be the first to comment