Во второто полуфинале на Светското клубско фудбалско првенство ќе играат европскиот шампион Ливерпул и шампионот на централна и северна Америка, Монтереј од Мексико. Се знае кој е фаворит и во тоа нема никаква дилема, но мексиканците од секогаш знаеле да им создадат сериозни проблеми на европските екипи.
Шампионот на Средна Америка со добар напад, но со очајна одбрана
Монтереј се надева дека нивното рано пристигнување во Катар ќе им даде некаква предност против еден од најтешките противници во светскиот клупски фудбал.
Мексиканците во Доха се од саботата, победувајќи ја катарската екипа Ал-Сад со 3:2. И покрај тоа што резултатот сугерира тесен и неизвесен натпревар, реалноста беше сосема друга и Монтереј имаше удобен меч. Двапати тие имаа предност од два гола, пред Ал-Сад да им се доближи резултатски.
Монтереј одигра добар, напаѓајќи фудбал, но фактот дека Ал-Сад успеа да постигне два гола е проблем. Тое делува загрижувачки пред предизвикот наречен Ливерпул. Освен тоа, Ал-Сад создаде уште неколку добри шанси за гол. Ливерпул не е Ал-Сад, па за разлика од нив, Европскиот шампион нема да пропушти безброј прилики.
Овој тим е убедливо најдобар во Мексико и нема пораз на последните 14 натпревари. Но нивните противници се далеку од квалитетот на Ливерпул. Сепак, во Монтереј ираат неколку репрезентативци на Мексико, а тука е и добро познатиот холанѓанец Винсент Јенсен кој до минатата сезона играше во Тотенхем.
Ливерпул со сите сили по светската круна
Реално, патувањето на Ливерпул на Светскиот куп им предизвикува многу проблеми, особено пред густиот распоред и добро познатиот боксинг деј. Сепак, токму затоа можеме барем да бидеме сигурни дека ова натпреварување тие го сфаќаат доста сериозно.
Освет тоа, Клоп во буквална смисла го предаде мечот во вторник против Астон Вила во ЕФЛ Купот, играјќи со млади фудбалери кој ги предводеше Критчли. Нивниот натпревар пак во Премиерлигата со Вест Хем се одложи, па сега Клоп сака титула и во Светски рамки. Клоп свесно го даде ЕФЛ Купот, но затоа пак во 2020 година ќе брка еден куп титули и тоа во Премиер лигата и во нокаут фазите во Лигата на шампионите и ФА Купот. Но увертира за успешна 2020 година ќе биде токму трофејот од Светскиот куп.
Ливерпул отсекогаш бил клуб кој се радувал на создавање историја. Ова е нешто ново за нив и тие немаат титула во светски рамки. Освен тоа, ако слават над Монтереј ќе играат против Фламенго, а во единственото нивно финале загубија токму од бразилски тим и тоа во 2005 година кога беа поразени од Сао Паоло со 1:0.
Be the first to comment