Би било лудо да се нарече овој натпревар “второ дерби” ова коло во Премиер Лигата, покрај мечот Манчестер Јунајтед – Тотенхем. Ако се тргне настрана моменталниот квалитет на екипите, ова е поголемо дерби од било кое друго на Островот и тоа во секоја смисла на зборот. Ова дерби се игра без пауза во Премиер Лигата од 1962 година.
Ова е едно од најголемите и најстарите дерби натпревари во Англија. Битката за Ливерпул секогаш нуди интересни, неизвесни средби со многу борба, како на теренот, така и на трибините. Така ќе биде и овој пат, без разлика што Ливерпул има многу подобар, поквалитетен тим од гратскиот ривал.
Кога игра дефанзивно, Евертон изгледа многу подобро
Екипата на Марко Силва може да биде во неволја до крајот на сезоната во Премиер лигата, ако се погледне нивната позиција на табелата. Овој тим игра под сите очекувања сезонава и е најголемо разочарување во Англија. Но тие како никогаш предходно кога е во прашање градското дерби, нема да бидат претоварени на Мерсисајд дербито.
Евертон лесно се победува сезонава кога доминираат во посед, затоа што нивната поставеност е неорганизирана, а централниот среден ред е премногу слаб. Но кога се принудени да се повлечат назад, тие се значително поорганизирани. Во поразот од 3:1 против Манчестер Сити тие се држеа цврсто 70 минути со само 37% посед на тпка, а имаа нерешено до 94-та минута за време на викендот против Лестер со посед на топка од само 31%.
Евертон ќе се повлече на овој меч и во тоа нема никаква дилема. Најверојатно Силва ќе стартува со тројца централни дефанзивци, така што нивните крилни бекови ќе можат да вршат притисок и на тој начин да им се спротивстават на офанзивните бекови на Ливерпул и да ги затворат крилата.
Ливерпул прима барем по еден гол на 12 меча по ред
Без разлика на моменталната состојба во двете екипи, на Ливерпул нема да му биде лесно. Евертон ќе има свои шанси, а тимот на Клоп покажа дека е доста ранлив во дефанзивата. Тие доминираат, победуваат … но имаат и еден неславен рекорд. Имено, Ливерпул прима барем по еден гол на последните 12 натпревари во сите натпреварувања. Тое е нешто што постојано се занемарува, пред се поради добрите резултати и победите на Ливерпул, но Клоп е свесен дека доколку сака да остане на врвот мора да проработи одбраната.
Како и да е, се е на страната на екипата на Јирген Клоп. Евертон нема победа на Енфилд од далечната 1999 година, а нивните навивачи и после овој меч ќе останат очајни посакувајќи ја конечно победата на гости кај својот најголем непријател.
Be the first to comment