Северна Ирска сака да ја искористи својата последна шанса за пласман на ЕУРО 2020 и тоа против Холандија. Само со победа тие ќе имаат надеж за пласман на Европското Првенство, но Холандија бие битка со Германија за првата позиција и сака уште на коло до крајот да биде сигурна во пласманот на ЕУРО 2020.
Северна Ирска со нереални очекувања
По минатомесечниот пораз од Холандија во Ротердам, Северна Ирска се наоѓа во крајно неповолна ситуација во квалификациската група за пласман на Еуро 2020.
Колку само добро за нив изгледаше табелата во оваа група пред две кола. Имаа максимални четири победи и 12 бода и беа на врвот. Но проблем за нив беше распоредот. На првите четири меча победија над Естонија и Белорусија и дома и во гости. Но на следните четири меча требаше да играат против Германија и Холандија.
Сепак и покрај тоа имаа надежи дека ќе изненадат барем една селекција. Прво загубија од Германија дома со 2:0, па потоа на гости кај Холандија со 3:1. Сега играат повторно со овие селекции но треба да се случи чудо за тие да завршат пред една од нив. Но, северно ирците сеуште веруваат и своите надежи ги полагаат токму на овој меч на домашен терен против Холандија.
Северна Ирска има солиден тим, но е далеку од Холандија и Германија
Реалноста е поинаква. Како ирците да заборавија против кого ги освоија бодовите досега. Дури и ако победат во двата преостанати натпревари, можеби ни тоа нема да биде доволно да се квалификуваат на ЕУРО 2020. Но надежта последна умира, а Северна Ирска има солиден тим.
По мечот со Холандија минатиот месец гостуваа кај Чешка во пријателски дуел и славеа со 2:3, па тој меч сега сакаат да го пресликаат и овој пат. Освен тоа во Холандија поведа со голот на Мегинс во 75-та минута. Тогаш во Северна Ирска се случуваше вистински делириум. Останаа само 15 минути до крајот на мечот и сите беа сигурни во освојување на барем еден бод. Сепак Депај израмни во 80-та минута, а во судиското продолжение Северна Ирска прими уште два гола, за големо разочарување во Северна Ирска.
Во теорија, фудбалерите на Мајкл О,Нил можат да пресликаат многу нешта од тој дуел. Холандија имаше 73% посед на топка, но попусто кога приодите кон голот на Пиког беа целосно затворени. Сега, на домашен терен треба да им биде полесно, но дали тоа ќе биде доволно за бодови против Холандија која игра одлично во последно време.
Куман со одредени проблеми, но повторно со одличен состав
Роналд Куман има одредени проблеми во својот состав, но без разлика на тое Холандија е фаворит на овој меч. Куман е без играчот од средниот ред на Брајтон, Дејвид Пропер, а неможе да смета и на Стивен Бердвин и Дониел Мален. Освен тоа еден од клучните негови фудбалери Мемфис Депај е исто така под знак прашалник и дојде на собирот на националниот тим со повреда на мембраната.
Но и без нив во тимот има огромен квалитет. Матијс де Лигт игра одлично во националниот дрес, а во одлична форма е и Френки де Јонг. Фудбалерите од Ајакс Дони ван де Бик и Квинси Промес се неверојатни во последно време и одлично се надополнуваат. Се на се, Холанѓаните треба да слават победа, иако не се очекува работите да бидат лесни за нив.
Северна Ирска кога игра дома може против секого. Нивниот последен пораз со два разлика на домашен терен е од 2011 година, па дури пред едно коло Германија во овие квалификации славеше кај нив со 0:2 и тоа со гол во 93-та минута.
Be the first to comment