Кристал Палас е домаќин на Лестер во рамки на 11-то коло од англиската Премиер Лига. Ќе биде интересно да се види како ќе одигра Лестер по онаа неверојатна победа од 0:9 минатата недела над Саутемптон. Но Кристал Палас игра над сите очекувања и може да ги симне од облаци.
Орлите на Хоџсон летаат повисоко од очекувањата
Работите се менуваат брзо во фудбалот. По загрижувачкиот почеток на сезоната во Премиер Лигата, во која прво се провлекоа играјќи 0:0 против Евертон, а потоа загубија со 1:0 кај Шефилд Јунајтед, Кристал Палас сега се наоѓа во горниот дел на табелата и ужива во сезоната.
Тие победија на четири од последните осум натпревари во лигата, а во последното коло на гости кај Арсенал се вратија од 2:0 и освоија бод играјќи 2:2.
Вреди да се има предвид колку беше тежок распоредот на Палас. Тие веќе се соочија со Арсенал, Спарси, Манчестер Јунајтед, Манчестер Сити и Вулвс. Севкупно ова ќе биде нивни петти натпревар сезонава против една екипа која се наоѓа во Топ 5.
Сепак, екипата има еден проблем – офанзивата. Кристал Палас досега има постигнато само 10 гола во десет натпревари. Но оној меч минатото коло кај Арсенал, може да сугерира дека ќе се подобрат во офанзивата. Тимот од јужен Лондон постојано сезонава извлекува добри резултати, кога тоа најмалку се очекува од нив. Таков случај е и сега против Лестер. Особено се подобрија на домашен терен, на „Селхурст“ и загубија само еднаш дома оваа сезона, а тоа беше против Манчестер Сити.
Немилосрдноста на Лисиците може да значи многу до крајот на сезоната
Лестер Сити е клуб кој се навикна да предизвикува вистинска мешаница во Премиер Лигата, а бруталната победа над Саутемптон од 0:9 минатиот петок, сигурно ги натера сите екипи да внимаваат на нив.
Многу екипи би се задоволиле со 4:0 или 5:0, но Лисиците не покажаа ни трошка милост во реализирање на девет голови. Но токму таа немилосрдност треба да им служи добро во трката за пласман меѓу најдобрите четири екипи на крајот од сезоната.
Но Роџерс по тој дуел советуваше на претпазливост, иако зборуваше дека промената на менталитетот во клубот оди многу побрзо од неговите очекувања. Сепак, мора да се истакне дека Лисиците се уште имаат многу играчи кои помогнаа во освојување на титулата од пред неколку сезони.
Роџерс го извлекува најдоброто од своите играчи
Коефициентите кажуваат речиси се за Лестер. А Лестер има коефициент 2.45 за да заврши на местата кои водат во Лигата на шампионите. Тоа е помал коефициент од Арсенал и Тотенхем, додека коефициентот за Манчестер Јунајтед е 5.00.
Таа состојба е сведоштво за способноста на Брендан Роџерс како тренер. Тој има поставено атрактивен стил на игра и успеа да го извлече најдоброто од играчи како Џејми Варди, Јуи Тилеманс, Медисон и Кеглар Сојунцу (меѓу многу други). Меѓутоа и оние над Роџерс заслужуваат пофалби – успеаа да донесат играчи по мерка на менаџерот кој ја заврши својата работа стилски и ефикасно.
Роџерс игра со истите почетни единаесет на последните два натпревари во Премиер лигата, а без нови проблеми со повреди, може да продолжи со истиот тим, бидејќи Лестер брка трета победа по ред во Премиер лигата.
Единствена загриженост за навивачите на Лисиците е традицијата против Кристал Палас. Ова особено важи за последните две сезони. Имено, Лестер ги загуби сите четири натпревари во предходните две сезони против Кристал Палас и тоа со гол разлика од 13:1.
Be the first to comment