Бурнемут е домаќин на Јунајтед во рамки на 11-то коло од англиската Премиер Лига. Манчестер Јунајтед влегува во добра форма и забележа три победи само за една недела и тоа сите на гостински терен. Бурнемут од друга страна играше одлично, но има голем пад во формата во последните две недели.
Супер недела за Јунајтед и Солскер
Со три победи во рок од една недела, сите на гостински терен, конечно можеме да кажеме дека Манчестер Јунајтед е во добра форма. Далеку се од она што го посакуваат навивачите на овој тим, но овие три победи можат да бидат пресврт за нив сезонава.
Минатиот викенд триумфираа со 1:3 во Норвич Сити, а тоа беше нивна прва победа сезонава на гостински терен. Со таа победа „црвените ѓаволи“ се придвижија до седмото место. Менаџерот Оле Гунар Солскер го посочи нивниот настап против Ливерпул во ремито 1:1 како урнек за тоа како треба да изгледа тимот на терен, а тоа како да ги мотивираше неговите фудбаери, па од тогаш се врзаа овие три победи во низа.
Јунајтед е се уште оддалечен многу од најдобрите, но минатонеделната победа на Кероу Роуд беше импресивна. Покрај победата од 1:3, мора да се напомене дека играчите на Манчестер промашија и два пенали, па според тоа победата можеше да биде уште поубедлива. Голем мотив за нив е и победата над Челзи во Лига Купот во текот на неделава и тоа на гости со 1:2. Она што е најинтересно е убедувањето на Солскер дека овие резултати од минатата недела се само почеток на нешто големо.
Офанзивата е главен проблем на Бурнемут на послендите натпревари
Бурнемут игра топло ладно сезонава, но имаат пад во формата во последно време. Кај нив ситуацијата е сосема спротивна од онаа во Јунајтед. Имаат ист број на бодови како Манчестер, но поради послабата гол разлика се на 9-то место на табелата. Беа погоре до пред две недели, но на последните четири средби имаат пораз и три ремија. Она што повеќе загрижува е нивната офанзивна линија. Тие беа одлично расположени за голови на стартот од сезоната, но на последните четири натпревари дадоа два гола, а немаат постигнато гол на три меча во серија.
Хаув неодамна изјави: „Обично не се бориме да постигнеме гол, туку се бориме за да не примиме“.
Ако се знае дека на последните два меча одиграа со идентични 0:0 против последните два тима на табелата Ватфорд и Норвич, тогаш јасно е зошто реков дека формата им оди во надолна линија.
Јунајтед ќе даде гол, но дали ќе врати Бурнемут
Статистиките не лажат. Ниту пак традицијата, или историјата. Првиот меч овие две екипи меѓусебе го одиграа во 2015 година и на тј меч Бурнемут ја забележа единствената победа досега. Од тогаш Манчестер забележал шест победи, а само еден меч завршил нерешено. Но само два од овие осум натпревари завршиле со голови само на едната страна, додека останатите се Гол Гол, а коефициентот за тоа овој пат е околу 1.70.
Надополнувањата на Марсијал со Маркус Рашфорд беа одлични против Норвич, а Рашфорд изгледа подобар кога игра против Марсијал. Освен тоа, се чуствува послободен, а и ротира со него во одредени моменти, земајќи поголема слобода во играта. Нивната комбинација за третиот гол против Норвич беше одлична. И овој пат двајцата ќе стартуваат, а тоа не е добро за Бурнемут. Сигурен сум дека Манчестер ќе постигне гол, но прашање е дали Бурнемут ќе може да одговори и да ја прекине серијата без гол токму против Јунајтед.
Be the first to comment