Два тима одвоени со три бода во француската Лига 1 ќе се соочат еден против друг во недела, кога Стразбур ќе го пречека Нант на Стад де ла Мејнау.
Домаќинот одигра неверојатен меч минатото коло при поразот на гости кај Бордо со 4:3, додека гостите ја остварија својата прва лигашка победа во 2022 година, победувајќи го Лориен со 4:2.
Стразбур е најголемо изненадување сезонава
Помина многу време откако видовме екипа од Стразбур толку моќна и технички одлично поткована како што е оваа сегашна екипа, која собра 35 поени досега, што е нивниот најдобар резултат во оваа фаза уште од сезоната од 1978-79 година кога тие ја освоија единствената титула во лигата.
Овој податок сам по себе говори многу за Стразбур сезонава. Екипата игра над сите очекувања, а 5-то место на табелата е сосема заслужено. Пред поразот од Бордо, овој тим прими само еден гол во нивните предходни седум натпревари. Но тимот на Џулиен Стефан се бореше да го спречи нападот на Бордо, особено Хванг Уи-Жо кој постигна хет-трик.
Стразбур покажа многу храброст откако Стефан го презеде тимот, а тие се меѓу најдобрите во лигата според бројот на постигнати голови, постигнувајќи 44 голови досега, што е втор напад сезонава по оној на ПСЖ кој има само два гола повеќе.
Нант е во добра форма
Откако ја започна 2022 година со неколку неинспиративни настапи во лигата против Монако (0:0) и Ница (пораз од 2:1), Нант беше многу поостар во сите аспекти на нивниот натпревар против Лориент, контролирајќи го темпото на тој меч и заслужено славејќи со 4:2.
Тимот го задржа моментумот изминатиов викенд во победата од 2:0 над Брест на Купот на Франција во натпревар каде менаџерот Антоан Комбуаре ја пофали работната етика на неговата екипа кога станува збор за покривање на просторот зад нивната одбрана.
Како што рече тренерот по нивниот триумф, победите ви помагаат да имате самодоверба и тие ќе бидат сигурни во себе кога ќе се спротивстават на Стразбур.
Нант славеше на четири од нивните последни шест натпревари во Лига 1, што е исто толку колку што имаа во претходните 14. Екипата е во добра форма и ако се тргнат двата меча против силните Монако и Ница, може да се каже дека се наоѓаат во топ форма.
Be the first to comment