По кошмарниот почеток на сезоната, конечно има знаци кои го оправдуваат квалитетот и очекувањата на Монако. Да … велам го оправдуваат, бидејќи нивниот квалитет е неспорен.
Според имињата на фудбалерите тие се веројатно вториот тим во лигата, нормално после ПСЖ, но попусто кога минатата сезона се спасуваа од испаѓање, а оваа стартуваа исто како и минатата. Но сега тимот забележа две победи по ред и тоа на убедлив начин. Прво славеа над Ница со 3:1, па над Брест со 4:1. Двете победи беа на домашен терен, па сега ќе биде интересно да се види дали можат да ја продолжат серијата победи и на гости.
Менаџерот Леонардо се ини дека конечно почнува да ги подредува работите во тимот сезонава, откако едвај ги спаси од испаѓање минатата сезона.
Монако почна да игра во формација 3-5-2, што се чини дека им одговара на играчите. Желсон Мартинс беше одличен во улогата на десен бек, а позајмицата Бакајоко се покажа како добар потег, бидејќи сега нивната средина доби на цврстина. Тоа и тоа како му недостасуваше на тимот предходно. Головин е одличен креатор и се наоѓа во топ форма. Нападот пак со Бен Једер и Ислам Слимани е вистински хит. Двајцата се надополнуваат на неверојатен начин и како изгледа работава, ќе имаат одлична сезона. По нивните пристигнувања од Севиља и Лестер (на позајмица), парот постигна девет гола и има пет асистенции меѓу нив во своите 835 минути заедно на теренот.
Монпелје е солидна екипа во средната класа за Лига 1 која ќе биде тешко да се победи. Тие досега победија на три од осумте натпревари во Лига 1, но јас мислам дека ќе останат на тие победи и после ова коло.
Be the first to comment