Овогодинешниот полуфиналист на Австралија Опен, Лукас Пулие накратко објаснува што се случува во тенискиот свет кога станува збор за кладењето и тенисот.
„Премногу пари се вклучени во кладење и тоа е тешко да се искорени. Мислам дека е најдобро да се забранат облозите на одредени турнири“, вели Лукас.
Францускиот тенисер призна дека неколку пати му се понудени пари со цел да ги изгуби натпреварите.
„Играв на Челинџер во Романија каде што лудо ме бодреше група од 4-5 луѓе, а потоа следниот ден тие луѓе беа против мене бидејќи се обложиле да изгубам. Ми понудија и пари преку социјалните мрежи, но не одговорив. Не е вредно тоа. Смешно е да се продаваат натпревари и намерно да се губи поради пари“, рече Пулие.
Истакна дека најголем проблеми има на мали турнири, односно каде што наградниот фонд е мал, а кога ќе стигне примамлива понуда од кладилничарите, поедници играчи тешко е да одбијаат бидејќи патувањата на турнирите чинат доста пари.
„Можеби треба да се забрани кладењето на некои турнири. Лесно е да се обложуваш анонимно, особено во источните земји. На дечките им се потребни пари за патувања, а кога ќе ти понудат 5000 евра за натпревар, а ти заработуваш 1000 ако го освоиш турнирот, тешко е да кажеш не“ вели Лукас.
Be the first to comment