Манчестер Сити – Манчестер Јунајтед, дуел кој е еден од најпривлечните оваа недела во фудбалска Европа. Сити е голем фаворит за победа, но така беше и минатата сезона кога Јунајтед славеше со 2:3 на Етихад и Сити чекаше дополнителни две недели за шампионскиот трофеј.
Сити во полн погон
Гвардиола нема нови проблеми со повреди пред овој меч, иако тој се уште е без Кевин де Брујн, чие кратко враќање на теренот беше проследено со уште една повреда.
Сепак, Бернардо Силва е во извонредна форма на десната страна на средниот ред и честопати беше меѓу најдобрите оваа сезона. Можеби затоа отсуството на де Брујн не е премногу голем удар за тимот.
Другата дилема во изборот на Гвардиола е дали да се користи Ријад Махрез или Лерој Сане. Махрес неодамна беше во добра форма, покажувајќи способност да се пробие опасно од десната страна, а исто така и да се најде во позиција за гол.
Сане пак, изгледаше доста живо во победата од 6:1 над Саутемптон минатиот викенд, постигнувајќи гол и асистенција. Поверојатно е да започне Махрез врз основа на формата, но Гвардиола можеби ќе избере брзина против спората одбрана на Јунајтед (особено централните бекови).
Стерлин во супер форма и со дополнителен мотив
Другите двајца напаѓачи ќе бидат Рахим Стерлинг и Серхио Агуеро, двајца фудбалери кои се наоѓаат во супер форма. Ова особено важи за Стерлинг кои неделава потпиша и нов договор со тимот и стана најплатен англиски фудбалер во моментов. Тој постигна три гола во последните два меча и сега има мотив да биде уште подобар. Од друга страна Агуеро си игра стандардно добро, а за разлика од останатите тој е доста свеж. Гвардиола одлично го ротира со Габриел Хесус и свежината кај двајцата е задржана на високо ниво. Тој одмараше во Лигата на Шампиони во победата над Шајхтор со 6:0 кога пак Хесус постигна хет-трик. Токму тие три гола на бразилецот може да создадат дилема кај Пеп, за тоа кој да стартува на овој меч. Гвардиола понекогаш ги користеше и двајцата заедно, но овој 4-3-3 систем функционира премногу добро за да го промени непотребно.
Давид Силва и Фернандињо ќе ги одиграат своите вообичаени улоги во средниот ред. Бенџамин Менди кој се одмори во средината на неделата ќе започне како лев бек. Лапорте и Стоунс најверојатно ќе играат како централни бекови со Кајл Вокер на десната страна, а на голот секако дека ќе биде Едерсон.
Јунајтед веројатно ќе биде дефанзивно ориентиран
Пристапот на Манчестер Јунајтед во овој меч е помалку сигурен. Иако по двете победи над Бурнемут и особено онаа над Јувентус во Торино, сега самодовербата веројатно е на највисоко ниво отколку во било кој момент оваа сезона.
Мурињо може да оди со 4-2-3-1 или 4-3-3. Ромелу Лукаку веројатно нема да го врати своето место место во првиот тим, а Алексис Санчез исто така може да биде на клупата. Затоа речиси целокупната англиска спортска јавност очекува Маркус Рашфорд да ја предводи напаѓачката линија. Марсијал сигурно ќе стартува на левата страна, а неговата битка со Кајл Вокер треба да биде со особено високо темпо. Можеби токму тој дуел и ќе биде решавачки.
Улогата на десната страна е тешко да се предвиди. Тоа веројатно му е тешко и на Мурињо. Тој ќе биде претпазлив во однос на брзината на Бенџамин Менди и потребата по мобилен играч да го следи нагоре и надолу во двата правци. Тешко е да се види Хуан Мата во таа улога, па Мурињо може да го префрли Рашфорд на таа страна. Токму тоа е најголемата дилема на Мурињо и можеби решавањето на таа дилема може да им даде место во првиот тим на Лукаку или Санчез.
Мата или Херера?
Мата може да биде искористен битка со Фернандињо, бидејќи Мурињо неодамна го распореди против Челзи и Јувентус со строги тактички инструкции. Ништо чудно, таква улога Мата да добие и овој пат. Сепак, тоа ќе ги остави Немања Матич и Пол Погба пред одбраната сами. Против Сити тешко дека овие двајца ќе можат да излезат на крај. Второто можно решение е наместо Мата, да стартува Херера кој е одличен во двата правци и се наоѓа во добра форма. Тој очигледно е дека на подобар начин ќе може да се справи и со Давид Силва.
Одбранбено, Манчестер Јунајтед изгледа подобро во последниве неколку недели, но прашање е дали тие би можеле да се борат против брзината и непредвидливото движењето на напаѓачите на Сити. Лук Шо ужива во својата улога во последно време, но Сане или Марез може да му предизвикаат вистински проблеми. Од друга страна, Ешли Јанг е во добра ситуација кога треба да следи противнички фудбалер, но Стерлинг е во огромна форма. Во средината, Крис Смолинг и Виктор Линделоф изгледаат склони кон грешки, а Серхио Агуеро едноставно е премногу брз за нив.
Коефициентот за единица премал за ризикување
Манчестер Јунајтед зад себе има две победи со неверојатни пресврти. Особено пресврт победата над Јувентус во Италија беше импресивна за целиот фудбалски свет. Од друга страна пак Сити постигна неверојатни 12 гола на последните два меча и тоа против Саутемптон и Шајхтор Доњецк.
Според се, јасно е дека Сити е голем фаворит. Но ова е големо дерби, со голема традиција во градот па затоа коефициентот од 1.40 за победа на Сити ни изгледа премногу мал и ризичен. Секако размислуваме многу повеќе на победа на Сити, но коефициентот сепак е нереален за нас.
Од друга страна, головите кој ги постигнуваше Сити во последните неколку кола беа со далеку послаби екипи како Саутемптон, Барнли … Против Тотенхем пак, Сити постигна само еден гол, а против Ливерпул мечот заврши 0:0.
За победа на Јунајтед коефициентот е 8.50, додека за реми во 1хBet е 5.25.
Наш предлог:
Победа на Сити @ 1.40 во 1хBet
Be the first to comment