За само три дена Лестер и Ливерпул ќе играат по втор пат, но овој пат во рамките на 6-то коло на Премиер Лигата. Овој дуел ќе биде поинаков од оној во вторникот кога славеше Лестер со 2:0, но повторно ќе следиме интересен и неизвесен меч, а овој пат можеме да очекуваме и тактичка битка помеѓу Шекспир и Клоп.
Лестер во вторникот го совлада Ливерпул со 2:0
Лестер го порази Ливерпул со 2:0 во Лига купот во вторникот, па и покрај тоа што овој меч во Премиер лигата ќе биде сосем различен, лисиците се полни со самодоверба. Лестер го започна тој меч со мало темпо, играше споро и ја уби играта на Ливерпул но со влегувањето во игра на Оказаки играта на Лестер се промени и јапонецот придонесе за посилно темпо, додаде издржливост во навалниот ред и се покажа како клучен фудбалер за победата. Според тоа, ќе биде големо изненадување доколку Оказаки не започне од првата минута овој викенд, веднаш зад Варди.
Оказаки може да биде од клучно значење
Колку и да ви звучи чудно, улогата на Оказаки може да биде еден од клучните фактори на овој меч. Хендерсон од Ливерпул беше одличен во текот на целата минатогодишна сезона, но во овој период има направено неколку значајни грешки, а брз и агилен играч како Оказаки треба да биде способен да се справи со него и да му предизвика големи проблеми на Ливерпул, кој и без тоа има големи проблеми во одбраната, која е посебна грижа за Јирген Клоп.
Варди има одличен рекорд против Ливерпул, постигнувајќи пет гола против нив во Премиер Лигата, вклучувајќи ги и незаборавните негови настапи против Ливерпул предминатата сезона кога Лестер ја освои титулата. Тој беше поштеден на натпреварот во вторникот, поради мал замор, но на овој дуел ќе стартуваод првата минута.
Уште сега изгледа дека е познат почетниот состав на Лестер, со тоа што единствено нејасно е дали Кристијан Фукс ќе биде спремен да настапи на позицијата лев бек. Магуире формираше добро партнерство заедно со Морган на централните бековски позиции, со Дени Симпсон на десната бековска позиција. Велшанецот Енди Кинг ќе почне заедно со Вилфрид Ндиди во центарот на средниот ред иако на предходниот меч одлично во тандем со Ндиди се снајде и шпанецот Ибора. Марк Олбрајтон и Ријад Махрез стандардно ќе ја шират играта по страничните позиции, со што овој состав многу ќе наликува на системот на Лестер кој ја освои титулата, особено доколку стартува Оказаки.
Ливерпул со многу прашалници, а Клоп со главоболки околу тимот
Клопп има многу повеќе прашалници и проблеми, особено во одбраната. Настапот на Џоел Матип и Дејан Ловрен е неизвесен, па дури и доколку Клоп се реши да ризикува со некој од нив, сигурно од почетокот ќе стартува Клаван, а Клоп ќе се моли барем еден од неговите први избори на бековската позиција да е способен да игра.
Садио Мане сеуште е суспендиран, па Клоп мора да одлучи дали да го употреби Даниел Стариџ или пак да го врати Филип Кутињо во стартниот состав на левата страна. Алтернативно, тој може да го распореди Кутињо и во триото на средниот ред, веројатно на сметка на Емре Џан. Алекс Окслејд-Чемберлен започна во средината пред неколку дена но изненади со катастрофалното издание и малку е веројатно дека ќе почне од стартот овој пат.
Ливерпул има проблеми да пробие длабоката одбрана и затоа Клоп тешко дека ќе ужива во овој натпревар, особено што против себе ќе ја има екипата со најмал посед на топка оваа сезона во Премиер Лигата и со многу опасен контра напад. За пример ќе го земеме мечот на Ливерпул против Барнли кога Црвените не успеаја да го совладаат минатиот викенд иако имаа голем посед на топка, но попусто кога Барнли имаше длабока одбрана пред својот гол. Клоп ќе биде нервозен поради тоа, нервозен ќе биде и за битката на Махрез со Алберто Морено кој секогаш има проблеми со алжирецот, па сега најверојатно Клоп ќе започне со Робертсон на левата позиција. Варди пак сигурно ќе се обиде да го искористи просторот на отвореноста на Клаван, под претпоставка дека тој ќе започне на овој дуел. Дуелот на Оказаки против Хендерсон пак е уште една загриженост плус за Клоп.
Тактичка битка ќе му одговара на Лестер, но не и на Ливерпул
Суштинското прашање на обложувачите треба да биде следново – Дали Ливерпул има алатки за да ја пробие длабоката одбрана на Лестер без брзината и снаодливоста на Мане ? Без разлика дали преку Стариџ и неговиот инстинкт или преку моментите на магија на Кутињо, тие според нивните високи амбиции сезонава треба да докажат дека се способни да го направат тоа. Шекспир дефинитивно подготвува тактичка битка за овој дуел, но на Клоп во моментов тоа не му одговара и тука Лестер е во предност, бидејќи на овој тим воопшто нема да му се брза за време на натпреварот. Освен тоа Црвените треба да патуваат во Русија на многу важна пресметка во Лигата на шампионите во вторник кај Спартак Москва, откако екипата одигра само нерешено во натпреварот на отворањето на групната фаза против Севиља. Лестер можеби веќе изгуби три од нивните пет натпревари во лигата, но тие порази беа против Арсенал (4-3), Манчестер Јунајтед (2-0) и Челзи (2-1), а овој дуел за Шекспир е идеален да покаже дека тимот знае да победува и против фаворитите во Премиер Лигата.
Букмејкерите на страната на Ливерпул и покрај поразот во вторникот
И покрај поразот од Лестер пред само неколку дена, букмејкерите веруваат во Ливерпул икоефициентот за нива победа е 1.95 во betway што би било нивна прва победа по победата со 4:0 над Арсенал на забележана уште на 27-ми август.
Од друга страна победата на Лестер во вторникот, но и коефициентот во betway за победа на овој дуел од 4.20 ќе днесе жалба кај многумина да размислуваат за овој тип, врз основа на настаните во вторникот. Дефинитивно овој коефициент е привлечен, но севкупно се чини дека многу добар е и коефициентот за нерешено – 3.95 во betway.
Над или Под 2.5 гола
Да паднат повеќе од 2.5 голови секогаш е опција кога игра Ливерпул, а овој пат за над 2.5 гола коефициентот во betway е 1.73. Сепак ако се земе во предвид целосната ситуација во овој тим пред мечот со Лестер повторно попримамлива е играта Да паднат под 2.5 гола, а и коефициентот не е воопшто за поценување – 2.10. Секако голема причина да одиграте Под 2.5 гола е и отсуството на Мане кое ќе има негативен ефект врз бројот на голови.
Нашиот тип:
Be the first to comment