Иако е многу рано да се говори за тоа како ќе заврши сезоната во Премиер Лигата, полека но сигурно некои работи стануваат многу појасни. Арсенал повторно грчевито ќе се бори за пласман во Лигата на Шампиони што би било најголем дострел на тимот, Кејн сеуште нема постигнато гол но тоа е вообичаено за него кога во прашање е почеток на сезоната, Деле Али прераснува во најдобар англиски играч, а Алваро Мората ќе биде клучен фудбалер на Челзи.
Арсенал очаен на стартот на сезоната
- Само Вест Хем (10) прими повеќе голови во Премиер Лигата оваа сезона од Арсенал (8).
- Арсенал на предходниот натпревар против Ливерпул не упати ниту еден шут во рамките на голот на противникот, а последен пат на тимот на Венгер тоа му се случило на 5-ти октомври 2014 гонина против Челзи.
- Арсенал на последните 16 гостувања во Премиер Лигата загуби на 10 меча, додека нивните предходни 10 порази дојдоа во текот на 51 натпревар.
Пораз од 4:0 секогаш делува разочарувачки, но она што уште повеќе ги разочара навивачите на Арсенал по поразот од Ливерпул е катастрофалната игра на нивните миленици. Арсенал на Енфилд капитулираше во буквална смисла на зборот, а статистиката укажува дека овој тим можел да доживее и поголем дебакл.
Алексис Санчез не се виде на теренот на својот прв меч во Премиер Лигата оваа сезона, додека новото засилување вредно 52.7 милиони фунти Лаказет одигра само 30 минути, Белерин играше на левата бековска позиција а е десен бек, додека Чембрлен кој е офанзивен играч, многу почесто играше на својата половина. Тоа доолно зборува за тоа колку Венгер ги измешал картите оваа сезона.
Одбраната на тимот е катастрофална и покрај тоа што Венгер се надеваше дека со ангажманот на Колашинац ќе реши многу проблеми во својот тим кога во прашање е дефанзивата. Еден тим со шампионски амбиции не смее после 3 кола да има втора најлоша одбрана со 8 примени гола, а причината за тоа според фудбалските експерти и аналитичари е формациската поставеност 3-4-2-1 која Венгер ја форсира од минатата пролет, кога почнаа и слабите резултати на Арсенал.
Венгер сепак има многу кредите кај управата на лондонскиот тим, во минатото има направено многу за тимот но факт е дека доколку продолжат очајните резултати оваа сезона ќе мора да има промена на тренерското столче иако да се случи тоа во текот на сезоната е скоро неверојатно.
Освен на отворањето на сезоната и победата над Лестер со 4:3 која беше извојувана на многу тежок начин, Арсенал не покажа ништо сезонава па букмејкерите го зголемија коефициентот за освојување на титулата во Премиер Лигата на овој тим на 26.00 што е сосем оправдано. Само да потсетиме, пред почетокот на сезоната коефициентот за тоа дека Арсенал ќе биде шампион беше 12.00.
Хари Кејн никогаш не постигнува голови во Август, Деле Али е неверојатен
- Хари Кејн не успеал да постигне гол во Премиер лигата во месец август кога одиграл 13 натпревари, а интересно е тоа што во неговите мечеви досега одиграни во август месец имал дури 42 удари кон противничкиот гол.
- Деле Али е вклучен во 23 постигнати гола на Тотенхем во последните 25 натпревари во Премиер Лигата (17 гола, 6 асистенции).
По освојувањето на наградара за прв стрелец во Премиер Лигата во последните две сезони, Кејн пред почетокот на сезоната беше фаворит за најдобар стрелец со коефициент 4.00 во бет365. Сепак оние кои се обложиле на него се веќе разочарани, иако не треба да се загрижуваат премногу, бидејќи Кејн никогаш досега нема постигнато гол во Август во неговата кариера, но пред две сезони беше прв стрелец со 25 гола, а минатата сезона беше најдобар со 29 постигнати гола. За оние пак кои се немаат обложено сеуште за тоа кој ќе биде најдобар стрелец во Премиер Лигата, Кејн сеуште е добар избор особено што по лошиот старт коефициентот порасна на 5.00 во бет365.
Деле Али пак продолжи на ист начин како што заврши минатата сезона, со одлични игри и голови. Коефициентот во бет365 за тоа дека овој млад офанзивен играч одсредниот ред ќе биде најдобар стрелец е 34.00, односно е ист како пред почетокот на сезоната иако Али има постигнато веќе 2 гола на 3 меча.
Деле Али полека но сигурно станува најдобриот англиски фудбалер и на последните 25 натпревари постигна 17 гола на кои додаде и 6 асистенции, со што ги засени останатите фудбалери во Премиер Лигата.
Сепак, ако не треба да бидете загрижени за првите звезди на Тотенхем, треба да бидете загрижени за формата на овој тим. Тотенхем сезонава сите домашни натпревари ќе ги игра на Вембли, бидејќи нивниот стар дом Вајт Харт Лејн се реновира. Ова е голем удар за тимот оваа сезона, особено ако се знае дека Тотенхем важи за домашна екипа и минатата сезона беше единствената екипа без пораз на домашен терен, со 17 победи и само две нерешени средби, а сезонава на првиот меч на домашен терен претрпеа пораз од Челзи, а на вториот меч ремизираа со Барнли. И покрај тоа можете да одиграте дека овој тим ќе заврши на едно од првите 4 места на табелата оваа сезона, што би ви донело одличен коефициент од 2.00 во бет365.
Мората ќе биде клуч за успехот на Челзи оваа сезона
- Алваро Мората е првиот играч во историјата на Премиер Лигата кој успеал да постигне гол во првите два домашни натпревари одиграни за својот нов тим.
- Осум од 17 гола на Алваро Мората од почетокот на 2016-17 година се постигнати со глава или изразено во проценти (47%).
Челзи се вратија брзо по поразот на отворањето на сезоната од Барнли со две импресивни победи над едни од најдобрите екипи во Премиер Лигата Тотенхем и Евертон. Но, додека сагата околу Диего Коста се продлабочува, неговата замена Алваро Мората има импресивен почеток на неговата кариера во Челзи. Тоа беше сосем доволно за букмејкерите да го намалат коефициентот за тоа дека Мората ќе биде најдобар стрелец во Премиер Лигата, па ако пред почетокот на сезоната коефициентот во бет365 беше 11.00, сега е 10.00 што секако би бил добар облог.
Be the first to comment