Вулверхемптон ќе се обиде да оствари две победи по ред во Премиер лигата за прв пат од октомври кога прво славеа над Фулам, па го совладаа токму Лидс на гости. Сега се домаќини на Лидс и се надеваат дека како и минатиот пат, така и сега ќе слават за конечно да врзат две победи во низа.
Избраниците на Нуно Еспирито Санто ќе влезат во натпреварот по победата од 1:2 на гостувањето кај Саутемптон во неделата, додека Лидс претрпе пораз од Арсенал со 4:2 на „Емирати“ истото попладне.
Вулвс конечно ја подобрува формата
Нема дилема дека ова до сега е разочарувачка сезона за Волците, со тоа што тимот на Нуно се бори за постојаност и моментално е во долната половина на табелата.
Но од друга страна, волците имаат само седум бода помалку од првите седум, иако е многу тешко да ги замислиме како тие ќе завршат на место кое води во Лигата на Европа, пред се поради квалитетот на тимовите кои се над нив.
Волците во моментов се на 12-то место на табелата, собирајќи 30 бода од своите 24 натпревари со осум победи и шест нерешени натпревари, претрпувајќи и 10 порази, што е само еден пораз помалку од 18-тиот Фулам.
Екипата на Нуно сепак се чини дека ја фаќа посакуваната форма. Немаат две победи во низа од Октомври, но сега барем немаат пораз на последните три меча – победа со Арсенал од 2:1, реми со Лестер 0:0 и победа со Саутемптон од 1:2.
Освен тоа волците ги добија последните четири натпревари со Лидс во сите натпреварувања, вклучително и победата од 0:1 во октомври, кога Раул Хименез го постигна единствениот гол на натпреварот.
Лидс игра според очекувањата
Во меѓувреме, Лидс влага во овој меч по поразот од Арсенал со 2:4 во недела. Лидс губеа со 4:0 на почетокот на вториот период на „Емирати“ стадионот пред да постигнат два гола преку Паскал Струјк и Хелдер Коста.
Тимот на Марсело Биелса во моментов е на едно место над Волците на табелата, се наоѓа на 11-тото место, со 32 поени од своите 23 натпревари и со евентуална победа ќе се вратат над Арсенал на 10-тото место.
Лидс победи на 10 натпревари во Премиер лигата оваа сезона, што е само една победа помалку од шампионот Ливерпул, но претрпеа 11 порази, што е навистина многу со оглед на нивната позиција на табелата. Имаат само две нерешени средби.
Сепак тие сигурно нема да го сменат стилот во наредните месеци и покрај поразот во Арсенал. Сепак тие забележаа победи на два од последните три првенствени натпревари на гостински терен, победувајќи ги Њукасл и Лестер на импресивен начин.
Биелса има проблеми пред овој меч и нема да може да смета на неколку важни фудбалери како Родриго, Филипс, Кох, Поведа и Форшоу.
Be the first to comment