Ливерпул е домаќин на Манчестер Сити на Енфилд во дербито на 8-то коло во Премиер Лигата. Евентуалниот победник на овој меч ќе собере многу кредити пред продолжување на сезоната, па цената е голема. Клоп и Пеп си имаат свои замисли, но која ќе биде поуспешна …
Дали Клоп има превласт над Гвардиола?
Минатата сезона, Ливерпул на Јирген Клоп се чинеше дека ја има формулата за игра против Манчестер Сити на Гвардиола, победувајќи ги со 4:3 во лигата и со вкупни 5:1 во Лигата на шампионите. Сепак, не треба да ја заборавиме победата на Сити од неверојатни 5:0 на почетокот на септември минатата година. Но Ливерпул имаше проблем на тој меч, откако Мане заработи црвен картон уште во првиот дел.
Овој пат, многу повеќе прашалници има Гвардиола во однос на тактиката. Клоп има јасно дефиниран почетен состав и мала е веројатноста дека ќе ја промени неговата тактика.
Алисон ќе биде на голот, а пред него Трент Александар-Арнолд, Џо Гомез, Виргил ван Дијк и Ендрју Робертсон. Одбраната на Ливерпул добро ја врши работата оваа сезона, иако може да се отвори простор за подобрување особено на десната страна.
Наби Кеита беше принуден да ја напушти играта уште во првото полувреме во поразот на Ливерпул од Наполи во средата и затоа ќе биде изненадување ако стартува на овој меч. Очекуваме Хендерсон да одигра голема улога во средниот ред со Џејмс Милнер и Вајандлум, фудбалери кои се големи работници во средниот ред.
Вообичаените тројца напаѓачи се Мане, Мохамед Салах по крилните позиции и Фирмино како најистурен шпиц. Салах се уште не ги достигна височините од минатата сезона, иако успеа да постигне три гола досега. Сега и самиот тој најавува, дека ќе го прикаже најдоброто издание сезонава.
Гвардиола се мисли околу формацијата
Тимот на Гвардиола, како и секогаш е многу потешко да се предвиди. Успехот на Наполи против Ливерпул со тројца во одбраната би можел да го искушува Пеп да го користи тој систем, особено со Бенџамин Менди во тимот. Во тој случај, Лапорте, Отаменди и Стоунс би ги формирале последните тројца фудбалери во одбраната. Менди б бил лево, а Вокер на десната страна.
Гвардиола ќе биде претпазлив поради тоа што при тој систем, Салах и Мане би имале поголем простор по страна. Затоа пак, ќе им биде многу потешко да влегуваат во шеснаесеттикот, а Пеп ќе сака да ги задржи што подалеку од својот гол. На средината на теренот, Фернандињо ќе биде дефанзивен, а Давид Силва веројатно ќе се приклучи на Бернардо Силва како крњативци, иако Илкај Гундоган е опција. Тука Кевин Де Брујн е неприкосновен, но тој не е 100% подготвен за настап.
Нападот ќе зависи од формациската поставеност
Стигнуваме до нападот на Пеп. Лерој Сане, Серхио Агуеро и Рахим Стерлинг работеа многу добро во последниве недели, но сега постои можност Габриел Хесус да се врати во првиот тим ако Гвардиола користи 3-5-2 формација. Тоа би било чудно бидејќи може да ја наруши кохезијата во таа зона. Дури и ако Пеп го користи тој систем, Стерлинг е можно да игра како втор напаѓач покрај Агуеро. Токму оваа напаѓачка линија, му создава главоболки на Гвардиола околу формациската поставеност.
Ливерпул секогаш тргнува добро
Ако се анализираат неодамнешните средби помеѓу овие две екипи, тогаш лесно ќе заклучите дека Ливерпул почнува секогаш добро поради нивното енергично притискање и пресинг игра, но Сити постепено но сигурно ја презема контролата врз теренот.
Поради таа причина, попрво би се обложиле дека Ливерпул ќе победи во првото полувреме, но дека Сити ќе доминира во завршната фаза. Затоа, кога станува збор за играта полувреме/крај би одиграле 1-Х, па дури и 1-2 ако сте доволно храбри. Коефициентот за 1-Х е одличен и е 14.50 во 1хBet, додека за целосен пресврт коефициентот е 24.50.
Ефикасноста не би требало да изостане
Сепак, да одиграме и нешто пореално. Треба да се вратиме во мај, далечната 2003 година за да ја најдеме последната победа на Манчестер Сити на Енфилд во сите натпреварувања. Црвените од тогаш имаат 12 победи и 5 нерешени средби протв Сити дома.
Ова е најголемо дерби досега во Премиер Лигата оваа сезона. Двете екипи се на првите две места со по 19 бода, со тоа што Сити има нешто подобра гол разлика. И едните и другите играат брз фудбал, со многу додавања и пасови во празно. Секогаш повеќе размислуваат на противничкиот, отколку на својот гол па нема никаква причина да не веруваме во ефикасен меч, кој сигурно ќе ги оправда очекувањата на љубителите на фудбалот. Имаше 23 постигнати голови меѓу двете екипи на последните шест средби на Енфилд (во лигата), што е просек од 3,8 гола по натпревар. Коефициентот за повеќе од 2.5 гола е 1.62, додека за Гол Гол е 1.52 во 1хBet.
Наш предлог:
Да паднат повеќе од 2.5 гола @ 1.62 во 1хBet
Be the first to comment