Денешната програма во фудбалска Европа е скромна, па се решивме да го анализираме мечот од Ла Лига меѓу Атлетик Билбао и Еспањол за рубриката Тип на денот. Атлетик Билбао брка четири последователни победи во сите натпреварувања, додека Еспањол ја бара првата победа по четири меча.
Домаќините моментално се деветти на табелата, со 31 бод од 22-та првенствени натпревари оваа сезона, додека Еспањол се наоѓа на 13-тото место, со четири бода помалку од противникот на овој натпревар.
Атлетик сака да го искористи моментумот
Атлетик го резервира своето место во полуфиналето на Купот на Кралот во четвртокот по неверојатната победа од 1:0 над Реал Мадрид. Алекс Беренгер го постигна единствениот гол на натпреварот во последната минута, за уште послатка победа.
Со оглед на тоа што ја победија и Барселона во овосезонскиот Куп на Кралот, нема ништо спорно во фактот дека баскискиот тим заслужува место во полуфиналето. Тие исто така се непоразени во последните три првенствени натпревари, победувајќи ги Осасуна и Рајо Ваљакано, покрај нерешениот резултат со Алавес. Ова се одлични резултати за екипата – резултати кои го подигнаа моралот и мотивот и сега сите очекувања се дека најдоброто од Билбао допрва следува.
Имаат одлична можност во Купот, но одлична можност и во Ла Лига. Сепак ако сакаат да ја остварат целта, не треба да размислуваат на ништо друго освен на победа на натпреварите како овој.
Билбао подобар гостин, од домаќин
Учинокот од седум победи, 10 нерешени и пет порази од 22 натпревари му донесе на Атлетик 31 бод и го стави на деветтото место на табелата, но со само пет бода помалку од четвртопласираниот Атлетико Мадрид.
Тимот на Марселино, кој заврши на 10-тото место во Ла Лига минатата сезона, се бореше за константност пред своите поддржувачи оваа сезона. Ако предходно Билбао важеше исклучиво за домашна екипа, сезонава тоа не е случај. Имаат само четири победи, две ремија и четири порази на домашен терен, додека на гости се далеку подобри. На гости имаат само еден пораз, три победи и дури осум нерешени средби.
„Лавовите“ против Еспањол немаат пораз од Ноември 2018 година, иако три од последните четири натпревари во Ла Лига меѓу двете екипи завршија нерешено.
Формата на еспањол во надолна линија
Еспањол одмара уште откако на 21-ви Јануари претрпе домашен пораз од Реал Бетис со 1:4, со што ја продолжи серијата од три првенствени натпревари без победа.
Каталонскиот тим всушност победи на само една од нивните последни пет средби во првата лига на Шпанија, кога славеше на гости кај Валенсија на крајот на Декември, а тие загубија дома од Елче и Реал Бетис од почетокот на годината.
Бело-сините се уште уживаат во донекаде успешна сезона – собраа 27 поени од нивните 22 натпревари благодарение на седум победи и шест нерешени средби.
Еспањол моментално ја зазема 13-та позиција на табелата, со девет бода повеќе од зоната за испаѓање, додека потенцијално би можеле да се префрлат во првата половина доколку победат во понеделник.
Be the first to comment