Лестер Сити и Саутемптон се среќаваат на стадионот Кинг Пауер во сабота вечерта во еден од поинтересните натпревари ова коло во англиската Премиер Лига. Двата тима се блиску на табелата и со евентуални три бода, ќе бидат многу поблиску до освојување на едно од првите топ-четири места на крајот на сезоната.
Додека „светците“ моментално ја заземаат седмата позиција на табелата во Премиерлигата, тие имаат само три бода помалку од нивните денешни домаќини кои се на четвртото место на табелата.
Роџерс е со високи цели сезонава
Брендан Роџерс изненади многу приврзаници на Лестер минатиот викенд кога се реши за силна почетна постава на нивниот натпревар во третото коло од ФА Купот против Стоук Сити на гости.
Додека Медисон и Варди добија одмор, другите клучни играчи придонесоа за победа од 0:4 над екипата од Чемпионшип и тоа ја истакна желбата на Роџерс да освои трофеј оваа сезона.
Останува приоритет да се обезбеди место во Лигата на шампионите следната сезона, но Роџерс знае дека освојувањето на ФА купот или Лигата на Европа не е надвор од доменот на оваа група на играчи.
На крајот на јануари следуваат пет тешки натпревари, ќе треба да се најде рамнотежа кога станува збор за управување со обемот на работа во текот на следните недели. Но Роџерс покажа дека знае да ја одржува свежината со одредени ротации кога тоа е најпотребно.
Како и да е, Роџерс има квалитетни опции во сите области на теренот и кој и да биде избран за за овој меч, ќе се очекува да придонесе за нови три бода.
Саутемптон тешко прима голови
Истото може да се каже и за Саутемптон, за составот на Ралф Хасенхутл кој доби непланирана пауза минатиот викенд.
Позитивните тестови за коронавирус во редовите на Шрусбери Таун му го дадоа на тимот на Саутемптон толку потребниот здив. Ако е нешто на нивна страна пред овој меч, тоа ќе биде токму свежината.
Хасенхутл веројатно ќе претпочиташе да одигра нерешено и ќе биде задоволен и со бод. На тој начин ќе го одржи високиот морал на тимот кој сега и тешко може да се наруши по извонредната победа од 1:0 над шампионот Ливерпул во предходното коло.
Со три меча по ред без примен гол, Хасенхутл сега ќе биде насочен кон продолжување на таа низа и ќе игра претпазливо.
Be the first to comment