Македонија како прва резерва доби шанса да игра на Светското Првенство во ракомет во Египет, но тоа во никој случај не е незаслужено, ако се знае дека пандемијата поради КОВИД-19, ги одложи бараж натпреварите и Лазаров и дружината не добија шанса на теренот да обезбедат уште еден Мундијал.
За среќа, РФМ предводена од Мукаетов не остави ништо на случајноста, па Брестовац ги спремаше ракометарите како да треба да настапат во Египет. Се чекаше дали ќе има откажувања, или пак КОВИД позитивни во некои од учесниците и се случи токму тоа, по откажувањето на Чешка.
Македонија се најде на местото на Чешка во групата Г, заедно со домаќинот Египет, Шведска и Чиле. Одлична група, преку која лесно треба да обезбедиме пласман во следната фаза.
Интересно, но според букмејкерите прв фаворит во групата е Египет предводен од некогашниот стратег на вардар, Парондо. Коефициентот дека Египет ќе заврши на првото место во групата е 1.85. Втор фаворит, е Шведска со коефициент 2.40, додека коефициентот за Македонија да биде прва во групата е дури 7.00. Чиле се разбира е тотален аутсајдер без шанси за пласман на лидерската позиција.
Многумина веруваат дека Шведска е реален фаворит, но нека не ве залажува името на оваа селекција. Селекторот на Шведска со мешан состав отпатува во Африка, откако вкупно девет ракометари го откажаа учеството на Мундијалот.
Од друга страна, Египет речиси пет години се спрема за овој Мундијал и не случајно го доведе Парондо на селекторската функција и токму тој ќе биде најголемото оружје на домаќинот.
Чиле, е тотален аутсајдер. Оваа јужноамериканска селекција се подготвуваше во Скопје, каде Македонија на два пати ги совлада со подмладен состав и без Лазаров и Стоилов и се очекува да биде лесна задача за сите три селекции во оваа група.
Be the first to comment