Евертон е домаќин на Арсенал во еден од натпреварите кои привлекуваат најголемо внимание викендов во англиската Премиер Лига.
Артета е под притисок, Арсенал е очаен
Под притисок, Микел Артета има очајна потреба од победа против Евертон во Премиерлигата. „Топџиите“ го забележаа својот најлош старт на една сезона по 13 натпревари уште од далечната 1974 година и имаат девет бода помалку од Евертон, кој изгледа подготвено да се избори за пласман во топ-четири сезонава.
Тоа кажува многу за игрите на Арсенал оваа сезона, а нерешениот резултат 1:1 на домашен терен со Саутемптон во текот на неделава може да се смета за успех.
Пјер-Емерик Аубамејанг ја заврши серијата од 648 минути без погодок во лигата на стадионот „Емирати“ токму на тој меч и ако може да се најде позитивна работа од тој меч, тоа е Аубамејанг.
Бод против Саутемптон кој е импресивен сезонава сепак тешко дека ќе стори многу за да ги смири симпатизерите, но тоа барем донесе крај на серијата од четири порази на домашен терен во лигата.
Сепак, „топџиите“ имаат шест натпревари без победа, загубија четири од тие натпревари и се повеќе се загрижени. Мислам дека деновите на Артета во Арсенал се избројани, без разлика на исходот од овој меч.
Анчелоти сака во Лигата на Шампиони следната сезона
Пласман во Лигата на шампионите е цел на Евертон оваа сезона. „Тофовите“ сезоната ја започнаа извонредно, освојувајќи седум меча по ред во сите натпреварувања, но тие освоија само пет поени од 21 меѓу 17-ти октомври и 5-ти декември, што значи пад на формата.
Избраниците на Карло Анчелоти се чини дека се опоравија од тој удар, благодарение на победите во изминатите две кола над Челзи и Лестер без примен гол.
Таа победа над Челси стави крај на чекањето од три натпревари без победа на „Гудисон Парк“. Освен тоа, Евертон не прими гол на последните два меча со Арсенал на домашен терен, па според сегашната форма нема да биде изненадување доколку таа серија продолжи.
Be the first to comment