Унгарија и Исланд во Будимпешта ќе бијат битка за да изборат место на ЕУРО 2020. Домаќините се пласираа во финалето како резултат на удобната победа во Бугарија, додека Исланд славеше над Романија во Рејкјавик.
Унгарија е во добра форма
Кога Евро 2016 се прошири на 24 екипи, Унгарија и Исланд беа две од помалите нации што ја искористија шансата, на крајот стигнаа до нокаут фазата за настап на големиот турнир.
Сега имаат уште една можност да ја измешаат со елитата на европскиот фудбал откако минаа низ серија натпревари за да стигнат до финалето во четврток.
Унгарија пропушти одлична можност за да избори директно учество на Евро 2020 преку квалификациите по поразот од Велс во последниот натпревар од групата Е, резултат што ги остави на четвртото место.
Сепак, нивните настапи во Лигата на нации одеа во нивна корист, обезбедувајќи им дополнителна шанса. Голема работа завршија кога минатиот месец со леснотија славеа над Бугарија со резултат 1:3. По тој меч Унгарија во новата сезона од Лигата на Нации славеше над Србија на гости со 0:1 и одигра реми 0:0 со Русија дома, што значи дека е во одлична форма.
Од Исланд се може да се очекува
Од друга страна, завршувајќи на третата позиција зад Франција и Турција во нивната квалификациска група, Исланд доби можност за бараж преку Лигата на Нации без разлика што заврши последен во групата ( играа во најдобрата А лига со Белгија и Швајцарија ).
Исланд во полуфиналето тргна одлично и водеше со 2:0 против Романија, но во вториот дел имаа неверојатна среќа што победија со 2:1. За разлика од Унгарија, Исланд на последните пет меча има само една победа, онаа најважната против Романија и четири порази од Англија, Данска и два пати од Белгија.
Интересно, овие две селекции пет пати играле меѓу себе и Унгарија има четири победи, додека само последниот меч завршил нерешено 1:1.
Можна почетна постава на Унгарија:
3-5-2 – Гулаци; Орбан, Ланг, Ат.Салаи; Беше, Калмар, Наѓи, Собослај, Хангја; Ад. Салаи, Конивес
Можна почетна постава на Исланд:
4-4-2 – Халдорсон; Палсон, Арнасон, Р. Сигурдсон, Магнусон; Гудмундсон, Гунарсон, Бјарнасон, Траустасон; Г. Сигурдсон, Финбогасон
Be the first to comment