Милан – Аталанта: Дерби кое ветува голема неизвесност и ефикасност

Дербито во Серија А се игра на Сан Сиро каде меѓу себе ќе играат Милан и Аталанта, две екипи кои се наоѓаат во неверојатно врвна форма по враќањето на фудбалот во Италија. Ако се знае дека голгетерската форма е на уште повисоко ниво, тогаш јасно е дека можеме да очекуваме еден крајно интересен и ефикасен меч.

Милан игра во одлична форма

Како игра Милан во последно време, ако сезоната беше подолга ќе се бореа за титулата. По враќањето на фудбалот во Италија, Милан забележа седум победи и две ремија со неверојатна гол разлика. Милан постигна 27 гола на 9 натпревари или во просек дава по три гола по натпревар. Но оваа врвна форма дојде многу доцна во сезоната и најмногу што може Милан е во Лигата на Европа. Со овој меч, екипата може да покаже дека заслужува многу повеќе.

Тие делумно и го докажаа тоа откако успеаја да ги победи екипите на Рома, Лацио и Јувентус. Лицето кое го стори сето тоа е Стефано Пиоли, а најновата вест е дека ќе биде награден со двегодишен договор.

Пиоли со поголеми проблеми од Гасперини

Голем проблем за Пиоли ќе биде неиграњето на еден од најдобрите во екипата Тео Хернандез кој минатиот лето беше доведен за скромна сума од Реал Мадрид. Штета што нема да можеме да следиме битка со Робин Госенс, бидејќи овие двајца фудбалери се веројатно најдобри во Серија А на своите позиции и се на мета на некои од најголемите екипи во Европа. Хернандез е суспендиран поради жолти картони. Суспендиран е и Бенасер, а веќе од поодамна повредени се Кастељо, Дуарте и Мусачио. Од друга страна, Гасперини нема посериозни проблеми освен отсуството на Иличиќ кој поради повреда ги пропушти и последните три меча за Аталанта. Но добро е тоа што по суспензијата сега свеж во екипата се враќа Хатебоер кој ќе го заземе своето место во дефанзивата од првата минута.

Убедливо најдобар напад, а целта е 100 гола

Она што важеше за Милан во однос на голгетерската форма во последно време, за Аталанта важи цела сезона. Со убедливо најдобар напад во Серија А, тимот е на местата кои водат во Лигата на Шампиони и тој пласман веќе им е загарантиран. Дадоа 95 голови сезонава и си поставија нова цел, да ја надминат бројката од 100 голови. Значи им требаат уште најмалку пет голови на последните три меча, а тоа е сосема изводливо. Исто како и Милан, така и оваа екипа има само две ремија по паузата и дури осум победи. Гасперини успеа да направи неверојатни нешта со екипата и ако успее да го задржи тимот и следната сезона, оваа екипа ќе биде конкурентна за освојување на титулата.

Аталанта ужива во неверојатната сезона

Иличиќ, Муриел и Дуван Запата постигнаа 59 од вкупно 95 постигнати голови сезоната. Сега, нема да настапи Иличиќ но затоа тука се останатите двајца. Запата оваа недела беше предмет на понуда од 30 милиони евра од Јувентус. Од друга раката, Муриел, ужива во својата најдобра сезона па и за него се очекуваат понуди летово. Но и двајцата изјавија дека се среќни во Аталанта.

Аталанта се уште е во Лигата на шампионите откако го елиминираше тимот на Валенсија и со нетрпение го очекува следниот месец и тоа може да ги спречи на овој меч, ако се знае дека веќе треба да се чуваат од повреди. Нивното место во Лигата на Шампиони за следната сезона е веќе загарантирано и голема е веројатноста дека целосно ќе се насочат кон четвртфиналето во европската елита. Но како и да е, оваа екипа не знае да игра на друг начин освен да напаѓа и нема дилема дека ќе нападнат и на овој натпревар.