Во среда во Бундеслигата ќе се одигра еден заостанат натпревар кој е од 24-то коло и тоа меѓу Вердер и Ајнтрахт Франкфурт. Кај двете екипи има подобрување на формата, а тоа особено важи за домаќинот кој се бори за опстанок.
Вердер се разигра
Вердер Бремен покажа вистинска борба и голема желба откако Бундеслигата се врати по принудната пауза. Може да биде дека играњето зад затворени врати им одговара. Откако загубија со 1:4 од Леверкузен, освоија седум поени од можни девет, сите без примен гол.
Tie се уште се предпоследни на табелата, но се оддалечија од последниот Падерборн и сега во близина ги имаат Фортуна Дизелдорф и Мајнц 05. Доколку победат на овој меч, тие ќе го поминат и тимот на Фортуна Дизелдорф и ќе излезат од зоната на испаѓање.
Екипата на Флоријан Кохфелд има и поволен распоред на натпревари, бидејќи Баерн Минхен е единствениот од петте најдобри тима во Бундеслигата со кој ќе играат до крајот, а имаат и директни натпревари против Падерборн и Мајнц. Нивната судбина сега е во нивни раце.
Ајнтрахт Франкфурт бара позитивна серија
Ајнтрахт Франкфурт сезонава не е на посакуваното и очекуваното ниво. Настапот во Лигата на Европа си го зема својот данок, но сега се целосно насочени кон Бундеслигата. По двата стартни порази по паузата, тие одиграа нерешено со Фрајург и конечно славеа во минатото коло над Волфсбург и тоа на гости.
Домаќините доминираа на натпреварот според статистиката, но за мене Франкфурт изгледаше добро и сосема заслужено ги освои трите бода. Свесно ја препушти играта на Волфсбург, но знаеше што сака и успеа во целта.
Тоа беше нивна прва победа во Бундеслигата од 7-ми февруари и е добредојдена. Сега сите во тимот очекуваат старт на една позитивна серија на резултати.
Избраниците на Ади Хатер се на 12-то место во Бундес-лигата, но со само пет бода меѓу нив и местото кое води во плеј-офот за опстанок во лигата.
Нема изразит фаворит
Јасно е дека Ајнтрахт е фаворит. Букмејкерите за нивна победа доделија коефициент околу 2.55, додека за победа на домаќинот коефициентот е околу 2.75. За реми пак се движи околу 3.40.
Ајнтрахт Франкфурт прими дури 12 голови на овие четири натпревари по паузата, но мора да се каже дека играа со силни екипи. Не беа лоши во нападот и постигнаа седум гола. Ако успеат да се консолидираат во одбраната ќе имаат добар резултат во Бремен, особено ако го задржат нивото на игра од предходниот меч против Волфсбург.
Вердер Бремен пак не прими гол на три меча по ред што на некој начин подвиг во оваа лига, особено што во овие три меча играа против силни екипи како Шалке, Менхенгладбах и Фрајбург.
Но постои и шокантна домашна форма на Вердер Бремен што треба да се разгледа. Тие играа 13 пати на свој терен сезонава и победија само еднаш – губејќи девет пати. Дури и зад затворените врати тие не успеаја да победат дома – загубија со 1:4 од Леверкузен и ремизираа 0:0 со Менхенгладбах.
Но и Франкфурт е катастрофален на гости, бидејќи победата на „Фолксваген арената“ беше само нивна трета победа на гости оваа сезона. Тие загубија 10 од другите 11 натпревари на гости.
Be the first to comment