Малкумина знаат, но најголемото ривалство во Франција е она меѓу ПСЖ и Марсеј. Ривалството помеѓу овие две екипи нема изгубено ниту грам страст и покрај тоа што во последните години разликата во квалитетот на овие две екипи е огромна. Ова ривалство останува најжешкото во Франција, заедно со она помеѓу Лион и Сент Етиен.
Но сепак иако жарот постои, на теренот играта не е иста како што беше некогаш. Поминаа речиси шест години откако Марсеј последен пат го совлада ПСЖ, што не треба да е чудно, бидејќи тоа беше и првата сезона на катарските милионери како сопственици на ПСЖ.
Разликата во богатството сега помеѓу двете екипи сега е толку голема, што е илузорно да правиме поредба помеѓу нив. Eдинствената надеж на Марсеј e домашниот терен и пеколната атмосфера која ќе ги пречека гостите од Парис. Минатата сезона ПСЖ славеше со убедливи 1:5 на Велодром,додека на домашен терен натпреварот заврши без голови 0:0. Овој пат, се чини шансите на Марсеј се поголеми ако се знае дека Марсеј е втората екипа со најмногу потрошени пари во летниор трансфер период веднаш зад ПСЖ. Тие завршија петти минатата сезона, но беа четврти ако се земат во предвид резултатите откако одличниот Руди Гарсија стана менаџер а на сите познавачи на фудбалот им е јасно дека овој тренер е неверојатен тактичар. Тие сезонава изгледаат доста посилни благодарение на ангажманот на бекот Адил Рами кој дојде од Севиља, бразилскиот репрезентативец од средниот ред Луиз Густаво кој пристигна од Волфсбург и поранешниот напаѓач на Монако, Валери Жермен.
Сепак Гарсија има огромни проблеми со одбраната иако доста вложи токму во тој дел од тимот. Имено Марсеј е на 4-та позиција на табелата но има втора најслаба одбрана во Лига 1 со дури 15 примени гола. Уште почудно е што Марсеј сезонава игра според расположението, па може да ја победи Ница со 4:2, но и да загуби од Монако со 6:1. Според тоа, тешко дека Марсеј ќе успее да им одолее на нападите на Нејмар, Мбапе и Кавани.
Наш предлог:
Be the first to comment