Дербито на вториот ден од Лигата на Шампионите ќе се одигра на Вембли, каде Тотенхем ќе биде домаќин на Борусија Дортмунд. И двете екипи си имаат свои проблеми, но најавуваат офанзивна игра и освојување на бодови, па според тоа јасно е дека ќе следиме интересен и неизвесен меч.
Тотенхем домаќин но на Вембли
Ако досега Тотенхем не покажа ништо на Вембли, каде овој тим ги игра домашните натпревари бидејќи Вајт Харт Лејн се реновира, тогаш слободно можеме да кажеме дека Спарси има одлични натпревари на гости, а особено импресивна е нивната победа во саботата на гости кај Евертон со 0:3. Тотенхем играше со голема слобода и прикажа одлични перфоманси слични како и минатата сезона и сега ќе мора да се обиде да го повтори тој меч и на Вембли. Оваа сезона пак на домашен терен но на Вембли тие изгубија од Челзи и се провлекоа со Барнли играјќи нерешено во домот на англискиот фудбал. Само за споредба, Тотенхем важи за домашна екипа и минатата сезона беше единствената екипа без пораз на домашен терен во Премиер Лигата, со 17 победи и само две нерешени средби.
Екипата игра доста лошо во Европа, кога во прашање се настапите на домашен терен, па минатата сезона иако играат во својот Вајт Харт Лејн, доживеаа порази од Монако и Леверкузен и завршија трети во групната фаза на Лигата на Шампионите, па продолжија во Лигата на Европа каде доживеаа експресна елиминација и тоа од Гент играјќи 2:2 во Англија.
Проблемот сезонава е уште поголем затоа што Спарс сега мора да игра на Вембли. Прво, тие се без фантастичната атмосфера што може да се генерира само на Вајт Харт Лејн. Второ, играњето на Вембли ги инспирира противничките играчи и се сомнежите и очекувањата се дека фудбалерите на Дортмунд нема да бидат исклучок.
Бош ги убедува лојалистите на Тухел дека грешат
Тренерот Томас Тухел си замина по само две сезони иако Дортмунд играше одличен фудбал под негово водство, а на негово место дојде уште еден одличен стратег и тоа холанѓанецот Питер Бош кој сега треба да ги убеди лојалистите на Тухел кои не се во мал број, дека тој е вистинскиот човек за клупата на Дортмунд. Бош направи одлична работа во својата единствена сезона во Ајакс, ги одведе во финалето на Лигата на Европа и се чини дека добро знае како да одигра во европските натпревари. Сезонава оваа екипа тргна одлично и по три меча во Бундеслигата нема примено гол забележувајќи победи над Волфсбург и Херта и играјќи нерешено без голови со Фрајбург. Токму тој пораз ги извади на виделина проблемите во тимот по заминувањето на Дембеле. Имено Фрајбург играше со играч помалку од 29-та минута, а Дортмунд со дури 27 шутеви кон противничкиот гол не успеа да постигне гол и тоа може да биде голем проблем на гостувањето во Англија.
Двете екипи со свои проблеми
Дортмунд има многу поголеми проблеми со повредени фудбалери. На минатиот меч со Фрајбург овој тим остана без пола одбрана, откако уште по првото полувреме повреди заработија левиот бек Шмелцер и централниот бек Бартра. Ако на овие двајца се додадат и крилните напаѓачи Ројс и Шурле како и Роде и Гереро, тогаш јасно е дека Бош ќе го крпи својот состав за овој меч. На централната дефанзивна позиција веројатно Топак ќе го замени Бартра и ќе игра заедно со Сократис, додека на левата бековска позиција ќе стартува младиот французин Загаду. На крилните позиции пак на местото на Махмилијан Филип, сигурно ќе стартува новото засилување Јармоленко кој своето деби во тимот го имаше против Фрајбург, но одигра само 12 минути.
И Покетино има проблеми во својот тим, но тие се далеку помали од оние на Бош. Ќе бидеинтересно да се види како Тотенхем ќе одигра без еден од своите најдобри фудбалери Деле Али, кој полека но сигурно прераснува во најдобар англиски фудбалер. Тој е суспендиран на овој меч и на негово место најверојатно ќе стартува кореецот Сон. Сепак тоа ќе биде голем проблем за тимот. Покетино нема да може да смета ниту на Вањама, Рос, Ламела и Н’Коудоу, но без нив овој тим покажа дека може да игра против секоја екипа.
Букмејкерите го прецениле Тотенхем
Букмејкерите му ја даваат фаворитската улога на Тотенхем за кого коефициентот е 2.38, за реми е 3.60, додека за победа на Дортмунд е 3.10. Сепак според нас овие коефициенти не ја одразуваат реалноста, иако се сложуваме со тоа дека Тотенхем е фаворит, но благ фаворит.
Факт е дека Тотенхем игра добро во Премиер Лигата, но тие игри никако не може да ги пренесе во Лигата на шампионите, а за овој меч го немаат Деле Али што е огромен хендикеп за овој тим. Дортмунд пак игра одлично и во Бундеслигата и во Лигата на Шампиони каде стандардно игра во елиминациските рунди. Минатата сезона овој тим стигна до четвртфиналето каде беше елиминиран од Монако, а во групната фаза заврши прв и тоа пред шампионот во ова натпреварување Реал Мадрид со кого на два патиодигра 2:2.
Многумина сугерираат на тоа дека Борусија Дортмунд има криза со повредени играчи, но нивниот тим е доста широк.
Над или под 2.5 гола
Двете екипи негуваат напаѓачки стил на игра и сакаат да постигнуваат голови. Хари Кејн и Ериксен одиграа одличен меч против Евертон и ги постигнаа сите три гола на тој дуел покажувајќи дека се наоѓаат во добра форма и тие и овој пат ќе бидат најопасни по голот на Дортмунд.
Питер Бош играше напаѓачкиот фудбал во Лигата на Европа со Ајакс минатата сезона и јасно е дека со тој стил продолжува и во Дортмунд, а и покрај проблемите со повредени играчи сеуште ги има Аубамејанг и Пулишиќ кои прераснуваат во одличен тандем во нападот.
Според ова јасно е дека двете екипи имаат фудбалери кои со еден потег можат да одлучат натпревар, па можеме да очекуваме голови и на двете страни. Доколку се обложите дека ќе паднат над 2.5 гола ќе добиете коефициент 1.67 во бет365, додека коефициентот за помалку од 2.5 гола е многу поголем и изнесува 2.15. Сепак најреален тип би било да одиграте дека двете екипи ќе постигнат гол со коефициент 1.57 во бет365.
Тотенхем е доста ослабен од лани но сепак е подобар тим, посебно тоа што игра дома… Јас би играл фикс 1