Дерби на ден: Манчестер Сити – Ливерпул, анализа и предлог тип

Дербито оваа сабота ќе се одигра на Етихад стадионот во Манчестер, каде Сити ќе го пречека Ливерпул во рамки на 4-то коло на Премиер Лигата. Дефинитивно сите погледи ќе бидат насочени кон овој меч, а очекувањата се дека традицијата на меѓусебните дуели на овие две екипи ќе продолжи и дека ќе следиме еден доста интересен и ефикасен меч каде ќе одлучуваат мали детали.

Кутињо би требало да се врати во Ливерпул

Ливерпул лесно ја одби понудата од околу 100 милиони фунти од Барселона за ангажман на Кутињо. По тоа сите очекувања беа дека тој јавно ќе побара трансфер и сите погледи беа вперени кон него, а Јирген Клоп се реши да не смета на него под изговор дека е повреден и дека не е целосно подготвен за настап, иако јавна тајна беше дека Кутињо не игра поради нерешеното трансфер прашање. Сепак фудбалерот само неколку дена по крајот на преодниот рок врза два настапи за Бразил по што сега е јасно дека Филип Кутињо е подготвен да се врати во Ливерпул.

Дали Ливерпул ја направи вистинската работа со одбивањето на одличната понуда од Барселона и како навивачите на Ливерпул ќе реагираат на желбата на Кутињо да замине, останува да покаже времето.

Но, токму сега се поставува прашањето дали Кутињо конечно ќе се најде во составот на Ливерпул. Сепак напаѓачкото трио кое играше досега оваа сезона Роберто Фирмино, Мохамад Салах и Садио Мане добро функционираа и без бразилецот. Ливерпул постигна осум гола во три натпревари во Премиер лигата и шест гола во двата натпревари против Хофенхајм во Европа.

Традицијата најавува ефикасен меч

Историјата и традицијата укажува на тоа дека ќе следиме ефикасен натпревар со доста голови и на двете страни. Имено на последните 15 средби вкупно паднале 49 гола или изразено во проценти по 3.26 гола по натпревар. Во тие натпревари Ливерпул три пати ја зачувал својата мрежа, додека Манчестер Сити само еднаш. Звучи неверојатно но најчест резултат во тој период е 2:2, нешто што се случи во дури три натпревари по ред помеѓу јануари 2012 и февруари 2013 година.

Вокер vs Мане

Со брзината на Вокер ќе му биде многу тешко на Мане да одигра на нивото како досега. Ако Пеп Гвардиола се држи до формацијата 3-5-2, тоа ќе значи дека Вокер ќе се очекува да обезбеди опција за напаѓање по неговата десна страна и ќе биде интересно да се види како Вокер со толку офанзивни задачи ќе се справува со Мане. Се претпоставува дека Клоп е можно да го вметне во составот Џејмс Милнер на левата позиција како дополнителна заштита од брзиот Вокер, а неговото искуство може да биде од голема важност. Во секој случај, победникот од дуелот Вокер – Мане ќе биде од пресудно значење околу победникот на овој меч.

Момците од Бразил

До пред неколку децении бразилците во Премиер Лигата беа толку малку, како копачка на плажа на Копакабана. Но времињата се менуваат и сега на овој меч може да има шестмина бразилци од самиот почеток.

Веќе го спомнавме Кутињо, но за него не би можеле да кажеме ништо повеќе од веќе погоре кажаното, но во Ливерпул сигурно ќе стартува Роберто Фирмино кој е и најголем фаворит за постигнување на гол во Ливерпул заедно со Мане со коефициент 2.50.

Што се однесува до Сити, Едерсон ќе стартува на голсманската позиција, а Данило би требало да го задржи своето место по крилните позиции, би можел да дејствува на десната страна наместо Вокер или многу поверојатно лево наместо Бенџамин Менди.

Улогата на последен играч за врска во средниот ред секако ќе му припадне на Фернандињо кој е незаменлива алка во оваа формација на Гвардиола.

Габриел Јесус овој пат најверојатно ќе игра заедно со Серхио Агуеро и токму овие двајца фудбалери се главни фаворити за постигнување на гол кај домаќинот. Коефициентот за двајцата дека ќе постигнат гол е 1.85 во бет365.

Бет365 со одлични коефициенти за овој натпревар

Веќе ги споменавме фаворитите за постигнување на гол, а спомнавме и дека ефикасноста на дуелите помеѓу овие две екипи е на високо ниво. Коефициентот во бет365 за тоа дека ќе паднат поеќе од 2.5 гола е 1.53 со индиции да опаѓа, но јасно е дека овој облог е најреален за овој дуел. Сепак доколку имате поголема храброст можете да одиграте дека ќе паднат повеќе од 3.5 гола што би ви донело одличен коефициент од 2.25 во оваа онлајн обложувалница. Уште поголем е коефициентот дека ќе паднат помалку од 2.5 гола за што би добиле 2.40 но иако овој коефициент изгледа примамливо тешко дека би ви донел добивка. Инаку букмејкерите му даваат поголема предност на домаќинот за кого коефициентот е 1.85, за реми е 4.00, додека за победа на Ливерпул коефициентот во бет365 е 4.20.