Дерби натпреварот во Премиер Лигата овој викенд ќе се одигра на Енфилд, каде Ливерпул ќе го пречека Арсенал. Меѓусебните дуели на овие две екипи се едни меѓу најинтересните во последните неколку години и овој меч во неделата сигурно дека нема да биде поинаков, со оглед на тоа што двете екипи изгледаат опасно во напаѓачките линии, но се многу слаби во одбраната. На почетокот на сезоната по првите две кола можеме да заклучиме дека натпреварите на двете екипи се слични. Ливерпул започна со реми со 6 постигнати гола против Ватфорд 3:3, а потоа го порази Кристал Палас со 1:0, додека Арсенал ја отвори сезоната со 7 гола на својот меч во победата со 4:3 над Лестер, пред изненадувачки да загуби со еден гол во Стоук кој славеше со 1:0. И за двете екипи, првиот меч беше игра на гол повеќе додека во вторите мечеви падна по еден гол, но овој пат двете страни според најавите ќе ни приредат отворена игра.
Омилените единаесетмина на Клоп ќе бидат непроменети
Екипата на Јирген Клоп во мечот влегува по победата од 4:2 во плеј-офот на Лигата на Шампиони над Хофенхајм. Јасно е дека Клоп ќе треба да ротира во одредени моменти оваа сезона, но засега нема потреба од тоа и може повторно да смета на неговите омилени единаесет како што ги нарекоа англиските медиуми, во формација 4-3-3 која германецот ја форсира уште од минатата година.
Единствениот исклучок од дуелот со Хофенхајм ќе биде левиот бек Алберто Морено кој започна на тој меч од првата минута, меѓутоа сезонава прв избор на таа позиција ќе биде новото засилување Ендру Робертсон кој беше импресивен на дебито против Кристал Палас минатиот викенд, заедно со Дејан Ловрен, Џоел Матип и младиот талент Александар-Арнолд на десната бековска позиција.
Во средината на теренот, Клоп е хендикепиран со повредата на Адам Лалана и без Филип Кутињо кој според сите најави не е физички подготвен, но без овие двајца фудбалери Клоп створи страшно физичко трио со Хендерсон, Емре Џан и Вијналдум.
Даниел Стариџ веројатно ќе биде на клупата за резерви, бидејќи брзото дуо Садио Мане и Мохамед Салах почнаа одлично да соработуваат со најистурениот во нападот Роберто Фирмино. Салах продолжува со истите игри од минатата сезона каде беше незаменлив во екипата на Рома, додека Мане поради неговото доаѓање се префрли на левата страна, но тоа барем досега се покажа како добар потег и овој фудбалер продолжува да ги вознемирува противничките фудбалери низ текот на целиот меч.
Физичката сила и фитнесот во средниот ред на Ливерпул ќе биде голем проблем за Венгер
Емре Џан целосно ја користи слободата во играта која му ја пружи Клоп, а тоа најдобро се покажа на мечот против Хофенхајм кога Џан беше двоен стрелец. Доколку Џан продолжи во овој стил може да биде новиот Жерард, нешто што се најавуваше уште при неговото пристигнување во Ливерпул. Вијналдум исто така беше неверојатен, беше насекаде на теренот и покажа дека може да влезе во шеснаесетикот незабележано, а Арсенал не е секогаш најдобриот во дефанзивниот среден ред и овој фудбалер дефинитивно ќе му прави доста проблеми на Венгер.
Санчес може да стартува на овој натпревар
Додека Ливерпул се уште е без Кутињо, Арсен Венгер можеби конечно ќе може да смета на Алексис Санчез на овој дуел. Чилеанците наводно е веќе добро физички подготвен и се најавува дека е можо да започне од стартот, или да влезе во вториот дел доколку има потреба од тоа. Санчес најверојатно, ќе биде на местото на Дани Велбек, со што Венгер конечно ќе ги спои Санчез и Месут Озил зад првиот напаѓач Александар Лаказет, кој одлично започна во Арсенал по трансферот летово од Лион.
Офанзивниот Ремзи, не може да му помага на Џака во дефанзивните задачи
Арон Ремзи ќе се појави повторно во средниот ред, но овие потези со офанзивец во срцето на средината на теренот би можеле да бидат опасни против Ливерпул, кој би можел едноставно да се спротивстави со контра напади и тоа преку центарот на теренот, а тука проблем ќе прави и Вијналдум за кого веќе напоменавме дека може незабележливо да се најде пред противничкиот шеснаесетик, нешто што станува негова карактеристика. Партнерот на Ремзи во средниот ред со дефанзивни карактеристики Гранит Џака имаше многу лоша партија против Стоук, и тоа може да се повтори и овој пат, бидејќи дефанзивните задачи во овој дел од теренот ќе паднат на негов грб.
Формацијата на Венгер 3-4-2-1 не соодејствува со профилот на неговите фудбалери
Венгер сеуште го користи системот 3-4-2-1 кој почна да го форсира уште минатата пролет, но неговата најпосакувана комбинација кога во прашање се крилните играчи за многумина е изненадување. Хектор Белерин беше распореден на десната страна на мечот против Лестер што е негова природна позиција, а потоа започна на левата неприродна позиција за него против Стоук, со Чембрлен на десната страна кој пак најчесто игра на левата позиција. Ова покажува дека Венгер кој има премногу крилни фудбалери во тимот пробува да ги вметне во оваа формација, но тоа тешко му оди бидејќи оваа формација 3-4-2-1 бара крила со дефанзивни задачи, а не крила како Чембрлен кој многу повеќе сакаат да играат пред противничкиот гол, наместо пред својот.
Останува да се види дали тие ќе останат на тие позиции, но ова е област каде Арсенал мора да биде многу внимателен бидејќи брзите Салах и Мане ќе создаваат многу проблеми, а Мане игра особено добро против Арсенал против кого има постигнато три гола и две асистенции во пет настапи против овој тим.
Лорен Косчелни исто така веројатно е веќе способен да се врати на теренот, а неговото позиционирање ќе биде многу интересно – тој има тенденција да се држи исклучително блиску до противниците, што значи дека може да го следи Фирмино во подлабоки позиции, многу понапред од својот гол.
Начо Монтреал најверојатно ќе се врати на својата лева централна бековска позиција. Шкодран Мустафи започна против Стоук, но не одигра добар меч, па Венгер може да го вметне во последната линија Роб Холдинг кој одигра солидно против Лестер во првото коло, но најголеми шанси да започне од првата минута има Колашинац кој иако не одигра онака како што знае на предходните два меча, ужива голема доверба од Венгер кој напомена дека му треба време на овој фудбалер да се прилагоди на англискиот стил на игра.
Ова значи дека иако Арсенал конечно ќе ги има на располагање одличните Озил и Санчез, нивната тројка во одбраната може да се покаже како слаб бедем при налетите на брзите Мане и Салах, па Ливерпул со право го започнува овој натпревар како фаворит.
Карактеристика во меѓусебните дуели се многуте голови
Има еден доста интересен податок кога во прашање се меѓусебните дуели на Ливерпул и Арсенал. Имено овие екипи во меќусебните дуели имаат постигнато повеќе голови по 90-тата минута од било кој друг во историјата на Премиер Лигата. На послените 10 натпревари помеѓу овие две екипи паднале вкупно 41 гол или во просек по 4.1 гол по натпревар.
Според овие показатели оние похрабрите можат да одиграат – Над 3.5 гола со коефициент 2.40 во бет365. Сепак многу посигурно би било да одиграте – Над 2.5 гола со коефициент 1.55 во бет365.
Be the first to comment