Баер Леверкузен е домаќин на Баерн Минхен во еден од поинтересните дуели во германската Бундеслига овој викенд. Тимот од Минхен секако е фаворит, но Леверкузен под водство на Бош ќе игра напаѓачки фудбал, па според тоа можеме да очекуваме доста возбудлив дуел.
Баерн Минхен почнува да личи на самиот себе
Нико Ковач никако не успева да го стигне Дортмунд на лидерската позиција и сега заостанува со 6 бода. За Ковач, во својата прва (а можеби и последна) сезона како тренер на Баерн Минхен следува период во кој не смее да си дозволи кикс. Прашањето кое го поставува целокупната гермаска фудбалска јавност е: Како може Ковач со Ајнтрахт Франкфурд да игра подопадлив фудбал, отколку со Баерн Минхен !? Но Ковач може многу бргу да го даде одговорот на тоа прашање, бидејќи сега е во серија од 12 натпревари без пораз. Освен тоа, на овие 12 дуели нападот на Баерн Минхен постојано се подобрува постигнувајќи 33 голови во таа серија. Токму тоа е причината што во последно време се затишија сите критичари на Ковач, кој најавува дека Баерн Минхен нема да сопре тука.
Играта против Хофенхајм ќе биде урнек на Ковач
Морам да признаам дека во неколку наврати во минатиот период го потценив Баерн Минхен. Мислев дека ќе се загубат на патувањето во Франкфурт, но тие изненадија со многу добра игра во победата од 0:3. Во Хофенхајм пак, пред две кола тие беа извонредни во првата половина, а потоа рутински се спротивставија во второто полувреме против незгодниот домаќин. Токму овие две гостински победи се добар знак дека формата на Баерн оди во нагорна линија, дека фудбалерите на тимот некако ја прифатија филозофијата на Ковач. Токму тој, изјави дека играта од првиот дел против Хофенхајм ќе биде урнек на она како треба да изгледа Баерн Минхен до крајот на сезоната. Овој меч, дефинитивно ќе покаже колку екипата ќе може да одигра на тоа ниво.
Питер Бош не ја менува својата филозофија
Баер Леверкузен за време на зимската пауза донекаде очекувано го смени својот тренер. Херлих од кого речиси никој не беше задоволен си замина, а на негово место дојде холанѓанецот Питер Бош. Неговиот почеток е со измешани чуства. Прво пораз од Менхенгладбах на домашен терен, па потоа голема победа над Волфсбург на гости со 0:3. Според овие први два меча, може да се дојде до заклучок дека Бош продолжува со својот стил на игра и во Леверкузен. Високо поставениот одбранбен ред на Бош со Ајакс му донесе неверојатни резултати, но во неговата кратка одисеја во Дортмунд тоа предизвика неодлучност и паника во дефанзивата. Во Холандија квалитетот на екипите е многу помал, па чудно е што тој се одлучува на ист начин да игра и во Германија. Тоа не помина добро во Дортмунд, па останува да видиме како неговата филозофија ќе помине во Леверкузен.
Леверкузен ќе нападне, но …
Баер направи многу шанси против Борусија Менхенгладбах во првиот натпревар под водство на Бош, но загуби со 0:1. Од друга страна, тие беа слаби во победата од 0:3 минатиот викенд во Волфсбург. На некој начин и двата резултати се погрешни. Леверкузен не заслужи да изгуби против Гладбах, но не заслужи ни да слави против Волфсбург.
Оние што добро го знаат Бош, знаат дека Бош ќе го нападне Баерн. Бош едноставно не знае да постави дефанзивна игра, а со играчи како Белараби и Каи Хаверц кои се во одлична форма, има шанси Леверкузен да постигне гол против Баерн. Сепак, празнините што Леверкузен ќе ги остави во одбраната сигурно ќе бидат брутално искористени од Левандовски и компанија.
Наш предлог:
Be the first to comment