Откако не успеа да ја скрши цврстата одбрана на Марибор во првиот натпревар од второто квалификациско коло во Лигата на шампионите, Шериф Тираспол останува фаворит и сега ќе се обиде да го повтори мечот од Словенија, но овој пат со голови во противничката мрежа во реваншот во вторник на стадионот Зимбру.
Од друга страна, нивните словенечки колеги ќе се обидат повторно да одиграат цврсто и да дојдат до позитивен резултат. Победникот од овој двомеч во следното коло ќе игра со понедникот од двомечот меѓу ХЈК Хелсинки и Викторија Плзен.
Шериф е голем фаворит
Шериф Тираспол минатата сезона беше најголемото европско изненадување, а сезонава повторно сака да го повтори тој успех. Молдавскиот шампион иако важеше за огромен фаворит во првото коло, едвај славеше со вкупни 1:0 над шампионот на Босна и Херцеговина, Зрињски. Во БиХ беше нерешено без голови, а во Молдавија домаќинот победи со 1:0.
Тимот на Стјепан Томас повторно ќе мора да се вади на домашен терен за да има шанса да се пласира во групната фаза втора година по ред. Ќе биде навистина немилосрдно ако тимот кој минатата сезона славеше над Реал Мадрид испаднат во вториот круг од квалификациите.
Домаќините на трите меча сезонава во ова натпреварување не примија гол, но постигнаа само еден. Но барем резултатот во првиот натпревар со Марибор ја зголеми нивната серија без пораз во сите натпреварувања на 14 натпревари додека се подготвуваат да ја започнат одбраната на нивните 20-та национална титула следниот викенд.
Марибор не може повторно да се надева на среќата
За разлика од неколку тимови во квалификациите, избраниците на Радован Карановиќ не добија одмор од нивните домашни подвизи во услови на тежок распоред веќе на стартот на сезоната. Победата од 3:2 над НД Горица му помогна на Марибор да го заборави поразот со 3:0 од Радомље во првото коло, а како што е случајот со Шериф, тие исто така ремизираа во првиот натпревар од првото коло во Лигата на шампионите со Шахтјор Солигорск играјќи 0:0 пред да слават со 0:2 во Белорусија.
Марибор веќе има три настапи во групната фаза во Лигата на шампионите – но последниот од нив се случи во сезоната 2017-2018 година. Сезонава сакаат долг престој во Европа, но според досега прикажаното тешко е да се верува дека ќе можат да обезбедат групна фаза во Лигата на Шампионите.
Тимски новости: Шериф Тираспол
Единствената грижа на Шериф Тираспол е повредата на новото засилување во нападот Ијаи Атиемвен. Тој се врати на тренинзите, но тешко дека ќе може да одигра на високо ниво. Тренерот Стјепан Томас може да смета на сите други фудбалери, а голема е веројатноста дека повторно ќе настапи со истиот тим како и на првиот меч.
Формација 4-3-3: Абалора; Гуедеш, Радељиќ, Кики, Кпозо; Бадоло, Кјабоу, Лушкја; Уатара, Јансане, Пернамбуко
Тимски новости: Марибор
Капитенот на Марибор, Мартин Милец заработи мала повреда на коленото на крајот од првиот натпревар против Шериф. Не беше во составот на минатиот меч со Горица и можно е во Молдавија д аима само епизодна улога. Голманот број еден Азбе Југ исто така е надвор од теренот покрај Алекс Пихлер кој исто така излезе во првиот натпревар. Карановиќ според ова има голем број дилеми во врска со составот.
Формација 4-2-3-1: Бергсен; Герико, Вотсон, Митровиќ, Сикошек; Антолин, Репас; Жугељ, Кронаветер, Брниќ; Батурина
Очекување:
Ако го погледнеме првиот меч, тогаш јасно е дека Шериф е огромен фаворит за победа. Молдавците беа многу блиску до триумф, беа убедливи во сите сегменти на теренот, додека Марибор упати само еден шут кон голот на противникот. Ако Шериф одигра барем приближно како во Словенија, тогаш не мора да се грижи за својот пласман во следното коло. Марибор не може да очекува дека среќата повторно ќе биде на нивна страна. Затоа очекувам победа на Шериф Тираспол.
Be the first to comment