Очајниот Генк е домаќин на Шарлероа во рамки на 19-то коло во белгиската Јупилер Про лига. Ова е дуел меѓу едно од најголемите разочарувања и најголемите изненадувања сезонава во Белгија.
Генк мора да излезе од кризата
Генк многу одамна немал вака лоша сезона. Не лоша, туку катастрофална е оваа сезона особено предходните два месеци. Генк нема победа на осум меча по ред во сите натпреварувања, а во овој интервал испаднаа од Лигата на Европа, како и од белгискиот Куп. Нема ништо позитивно во Генк сезонава. Со шест победи, четири ремија и осум порази тие се наоѓаат на 11-то место и се во постојан пад на табелата. А амбициите беа крајно високи и во некои најави се споменуваше и атак на титулата.
Сепак, во наредиот период треба да се очекуваат подобри резултати од екипата. Генк има квалитет, но нема доволно широк ростер на фудбалери. Играњето во Европа, во лигата и во Купот веројатно беше прменогу за нив. Сега целосно можат да се насочат кон домашниот шампионат без грижа за други натпреварувања. Прашање на време е кога екипата ќе излезе од криза.
Шарлероа импресионира сезонава
За разлика од Генк, Шарлероа игра одлично и моментално се наоѓа на 4-то место со осум бода помалку од лидерот Ројал Унион. Имаат постојана серија на добри резултати, а интересно – многу подобри се н агости отколку пред своите навивачи. Ако се земат во предвид само гостувањата, Шарлероа ќе беше на второто место на табелата.
Импресионира екипата на менаџерот Стил посебно на поседните два меча. Прво се случи победата над Стандард Лиеж со 0:3, а минатото коло и домашната победа над Остенде со 1:0. Стил има еден доста шарен и интернационален состав, но Стил успеа да направи голема хомогеност и хармонија меѓу играчите.
Воиграноста е на највисоко можно ниво, а високиот пресинг и играта со ниски и брзи додавања им создава еден куп проблеми на противниците.
Очекуваме ефикасен дуел
На натпреварите на Шарлероа сезонава во просек паѓаат по точно три гола по натпревар (54 гола на 18 натпревари). На дуелите на Генк паѓаат уште повеќе голови – 3.3 во просек (61 гол на 18 натпревари). Тоа само по себе најавува ефикасен меч. Такво нешто најавува и традицијата. Имено од последните 11 дуели помеѓу овие две екипи, само два меча завршиле со НГ. Девет од овие дуели биле ГГ, односно со голови и на двете страни.
Be the first to comment