Јувентус ја бара шестата победа во низа во сабота, во мечот против еден од конкурентите за Скудетото, Рома. Гостите се вратија од тешкиот пораз во дербито против Лацио и забележаа две победи во низа, па повторно во тимот владее позитивно расположение.
Јуве со неверојатни одбранбени перфоманси и до мотивиран Роналдо против Рома
Јуве има одличен напад и во тоа нема дилема, но поголемо чувство на континуитет и издржливост во одбраната е од витално значење за почетокот на 2021 година. Нивниот рекорд во дефанзивата е импресивен и е најдобар во Серија А, со само 18 примени голови досега или во просек по 0.85 гола по натпревар.
Откако го совладаа Интер во првиот натпревар од полуфиналната пресметка во Копа Италија, избраниците на Пирло ќе ја пречекаат Рома овој викенд пред да ја продолжат борбата со „нероазурите“, а потоа ќе се соочат со Наполи и имаат дуел во Лигата на шампионите последен против Порто. Се на се, еден исклучително тежок распоред, густ распоред и јасно е дека Пирло ќе мора да направи некои ротации за да ја зачува свежината. Но ротациите нема да стартуваат на овој меч.
Роналдо – фудбалер на кого од голема важност му се индивидуални рекорди – ќе се обиде да избегне четири последователни натпревари во лигата без да постигне гол за прв пат од ноември 2017 година, додека беше во Реал Мадрид. Мисла дека со еден мотивиран Роналдо во тимот, Јуве ќе биде многу поблиску до победа на овој дерби меч.
Проблемот на Рома е во дефанзивата
Рома моментно е трета на табелата во Серија А со едно место и еден бод над Јувентус, а има и натпревар повеќе. Се предвидуваше дека поразот во дербито од Лацио со 3:0 ќе ги разниша на резултатски план, но тие веднаш се вратија на победите и славеа над Специа и Верона постигнувајќи седум гола на тие два меча.
И покрај одлината лигашка позиција на неговиот тим, притисокот над Фонсека се уште не попушти од две причини. Рома допрва треба да победи против најдобрите во лигата, тие играат со речиси сите екипи кои се на првите осум места на табелата. Имаат страшни бројки во одбраната. Имаат 33 примени голови (1,74 по натпревар) а тоа ги прави најлоша дефанзива во најдобрите 11 екипи во Серија А.
Како и да е, Рома патува за Торино знаејќи дека може да биде непоразен на три последователни првенствени средби против Јувентус за прв пат од 2002 година и добро ја памети нивната победа на стадионот „Алијанц“ минатата сезона, кога славеа со 1:3.
Be the first to comment