„Стад Мохамед V“ ќе биде домаќин на финалето на африканската Лига на шампионите во понеделник, кога актуелниот шампион Ал Ахли ќе бие битка со двократниот победник во Африка, Вајдад.
Вајдад Казабланка има можност не само да ја обезбеди третата титула во Лигата на шампионите во КАФ во својата историја, туку тоа да го направи на домашен терен на Стад Мохамед V, местото на ова финале.
Навистина е ретко едно вака големо финале да се одигра на терен на еден од финалистите, а тоа дефинитивно ќе биде голема предност за тимот од Мароко.
Ал Ахли ќе тргнат во мечот со цел да станат првата екипа која ја освоила титулата во три последователни сезони, додека мароканскиот тим сака да ја освои првата континентална круна од нивниот триумф во 2017 година.
Двете екипи низ историјата меѓусебе играле во три различни финалиња, последното во 2017 година кога мароканската екипа забележа победа од 2:1 на два натпревари за да ја подигне титулата на стадионот Борг Ел Араб во Египет. Сега Ал Ахли сака и одмазда за поразот во тоа финале.
Ал Ахли по 11-та титула во КАФ
Египетскиот гигант Ал Ахли стигна до четвртото финале на Лигата на шампионите во КАФ во последните пет години, што само по себе е неверојатен успех и тешко достигнување.
Откако не успеаја да победат и постигнат гол во три од воведните четири натпревари, „црвените ѓаволи“ завршија како второпласирани во групната фаза, со шест бода од првопласираниот Мамелоди Сандаунс, пред да слават со вкупни 3:2 над Раја Клуб Атлетик во 1/4 финалето.
Екипата на Пицо Мосиман потоа лесно го помина алжирскиот тим ЕС Сетиф во полуфиналето, победувајќи со 4:0 во првиот натпревар на 7-ми Мај, пред да одигра возбудливо реми 2:2 седум дена подоцна.
Ал Ахли, кој е убедливо најдобриот тим во историјата на Лигата на шампионите на КАФ со 10 освоени титули, исто така ќе се обиде да стане првата екипа која го освоила ова натпреварување во три сезони по ред, откако ги победи Замалек и Кајзер Чифс во 2019-2020 и 2020-21.
„Црвените ѓаволи“, кои моментално се на третото место во египетската Премиер лига, но со четири натпревари помалку, се непоразени во осум натпревари по ред и таа добра форма е гаранција дека овој меч за нив доаѓа во добро време.
Вајад сака титула пред своите навивачи
Вајдад, во групната фаза забележа пет победи и еден пораз од нивните шест натпревари за да заврши на првото место во групата Д со четири бода предност пред второпласираниот Атлетико Петролеос.
Тие минаа низ четврт-финалето многу тешко, совладувајќи го Алжирскиот тим Белуиздад со вкупни 1:0 во двете средби, пред да забележат вкупна победа од 4:2 над Атлетико Петролеос за пласман во големото финале и тоа на финале на домашен терен.
Избраниците на Валид Реграги се тимот со најдобар напад во овогодинешната Лига на шампиони, постигнувајќи 20 гола и тоа од девет различни играчи – вклучувајќи го и Гај Мбенза, кој моментално е најдобар стрелец во конкуренцијата со девет гола зад своето име.
Вајдад исто како и Ал Ахли влегува во натпреварот во одлична форма и е без пораз во последните 16 натпревари во сите натпреварувања, со 12 победи и четири нерешени по поразот во Февруари од Хасанија Агадир во домашниот шампионат.
Оваа добра серија на резултати, исто така го зајакна лидерското место на табелата во првата лига на Мароко и сега се со четири бода предност пред второпласираниот Раја Клуб Атлетик по 24 рунди.
Be the first to comment