Денес во Романија се игра финалниот меч од плеј-офот за пласман во Европската конференциска лига. Универзитатеа Крајова која заврши н атретото место во лигата е домаќин на Ботошани кој играше во лигата за опстанок, но преку истата го обезбеди ова финале кое е како бонус за нив.
Се е на страната на домаќинот
Универзитатеа Крајова, која победи на нивниот претходен натпревар, се надева на сличен резултат против Ботошани во финалето од плеј-офот за пласман во конференциската европска лига. Нивните неодамнешни резултати го истакнуваат фактот дека квалитетот е на страната на тимот од Крајова и тие се фаворити пред овој меч.
Екипата која играше во шампионската група заврши на третото место веднаш зад Шампионот Клуж и втората Стеауа. Не е мача работа да се заврши на третото место, а сеуште да немаш обезбедено излез во Европа. Но форматот на романската лига е таков, што ништо не е сигурно до самиот крај на сезоната. Сепак, сега ќе имаат полесна задача, бидејќи играат со тим кој играше во плеј-аут лигата и речиси сите шанси се на нивна страна.
И не само што се фаворити, туку играат пред своите навивачи во Крајова, па се освен нивна победа ќе биде големо разочарување за нив.
Поклон меч за Ботошани
Ботошани ќе влезе во натпреварот во Крајова по победата од 0:4 над Академика Клинчени во плеј-аут лигата од Лига 1. Со таа победа во последното коло, тие обезбедија пласман во ова разигрување за излез во Европа.
Се наоѓаат во добра форма и имаат четири победи и еден пораз на последнте пет дуели, но мора да се истакне дека тие резултати се случија со послаби екипи од Универзитатеа Крајова. Постигнаа вкупно 12 голови во таа серија, што значи дека постигнуваат по над два гола по просек на натпревар, па ако ништо друго – напаѓачите ветуваат пред овој меч.
Овој меч за Ботошани е како премија и тие ќе имаат многу помал притисок во однос на противникот, без разлика што влогот е голем. Можеби само растеретеноста е нивна предност пред овој меч.
Тимски новости: Универзитатеа Крајова
Има само еден проблем за шефот на Универзитатеа Крајова, Виктор Пишурца, кој нема да може да смета на Луис Хоури за овој меч.
Веројатно екипата ќе настапи во формација 4-2-3-1: Давид Лазар; Стефан Владоиу, Валерика Гаман, М. Марсел Константин, Михаи Капатина; Дан Нистор, Јонут Вина; Анте Рогуљиќ, Џорџ. Цимпану, Стефан Бајарам; Елвир Кољиќ.
Тимски новости: Ботошани
Mенаџерот на Ботошани, Мариус Кроитору, нема никакви грижи во однос на фудбалерите пред овој натпревар.
Има добри шанси Ботошанени да игра во формација 4-3-3: Едуард Пап; Кристофер Браун, Џеј Дава Чаконте, Денис Харут, Александру Тиганасу; Едуард Флореску, Виктор Дикан, Енрико Папа; Матеус Крициума, Михаи Роман, Јаја.
Очекување:
Тимот од Крајова може и треба да држи под контрола долги временски периоди на овој меч. Речиси сигурно е дека Ботошани ќе игра дефанзивно и својата шанса ќе ја чека од контра-нападите. Домаќинот има речиси се што е потребно д аигра во Европа и ќе биде големо изненадување ако киксне на овој последен решавачки меч. Очекувам нивна победа.
Be the first to comment