![Tip na denot final1 Тип на денот](https://kladenje.mk/wp-content/uploads/2022/04/Tip-na-denot-final1-678x381.jpg.pagespeed.ce.q-QsTxpUxZ.jpg)
Завршувајќи ја првата одлична сезона во новоформираната Конференциска европска лига, Рома и Феенорд играат во големото финале во Тирана во среда навечер, каде ќе се борат за место во историјата.
Додека италијанскиот клуб ја бара својата прва европска титула, откако претходно двапати загуби во финалните натпревари, нивните противници од Холандија би можеле да станат првиот тим што ги подигнал сите три актуелни европски клупски трофеи.
![](https://kladenje.mk/wp-content/uploads/2022/04/3.jpg)
Рома по прв европски трофеј
Иако е победник на одамна непостоечкиот Меѓуградски саемски куп уште во 1961 година, Рома се уште чека да ја добие својата прва голема европска титула, откако загуби од Ливерпул во финалето на Европскиот куп во 1984 година и од Интер во Купот на УЕФА седум години подоцна.
Додека двете натпреварувања оттогаш се обновени и ги формираат првите две нивоа на континенталното натпреварување – Лига на шампиони и Лига Европа – најновото натпреварување на УЕФА, Конференциската лига, беше отворено пред помалку од 12 месеци.
Рома пристигнува во Тирана откако ја заврши сезоната во Серија А со победа од 0:3 во Торино минатиот петок, по кој обезбедија фудбал во Лига Европа за следната сезона.
Во изминатите денови, тренерот Жозе Мурињо го подготвува својот тим за нивниот претстоен настап на европската сцена, а досега оваа сезона, неговата екипа во голема мера лесно ги минуваше фазите.
![](https://kladenje.mk/wp-content/uploads/2022/04/3.jpg)
Мурињо со еден куп мотиви
По удобно крстарење до осминафиналето – и покрај шокантните 6:1 од Бодо Глимт, Рома потоа го мина Витесе во првата нокаут фаза, пред повторно да се соочат со Бодо.
Иако претрпеа нов пораз на гостинскиот натпревар, Бодо Глимт на крајот беа победени на стадионот Олимпико, пред момците на Мурињо да го совладаат Лестер во полуфиналето.
Како и противниците, најновиот клупски трофеј во Европа сега е единствената шанса за Рома за титула оваа сезона, а Мурињо има дополнителна мотивација да го поттикне својот тим, предводен од Абрахам и капитен Пелегрини.
Мурињо може да стане прв тренер во историјата кој ќе освои четири европски натпреварувања со четири различни клубови – првиот беше Купот на победниците на куповите во 1997 година, како помошник на покојниот Боби Робсон во Барселона, па ја освои Лигата на шампионите и Купот на УЕФА/Лигата на Европа.
![](https://kladenje.mk/wp-content/uploads/2022/04/3.jpg)
Феенорд по четврти трофеј во четвртото европско финале
Феенорд го резервира своето место во инаугуративното финале по монументалната полуфинална пресметка со Марсеј и сега се стремат да комплетираат четири победи од исто толку европски финалиња.
Победите во финалето на Европскиот куп во 1970 година против Селтик и Куповите на УЕФА од 1974 и 2002 година ја воспоставија репутацијата на холандскиот клуб како име кое треба да се почитува на континентално ниво.
Тренерот Арне Слот го врати вкусот на минатото во екипата, откако остави голем впечаток со тоа што играше со енергија, интензитет и многу голови.
Напаѓачкиот тим на Слот ја испушти предноста од два гола дома против Марсеј во полуфиналето, но потоа се опорави и победи со 3:2, за на реваншот на Стад Велодром да одигра без голови.
На уште поимпресивен начин, Феенорд ја помина групната фаза – во нивниот случај, непоразен – и ги победи Партизан и Славија Прага на нивниот пат до фајнл-форот.
Непоразен од почетокот на турнирот, клубот од Ередивизие постигна неверојатни 28 гола во нивните 12 натпревари во Конференциската лига до денес – еден повеќе од Рома. Тие можат да се пофалат и со водечкиот стрелец во натпреварувањето – Сириел Десерс има постигнато десет гола досега, што е еден повеќе од Абрахам.
![](https://kladenje.mk/wp-content/uploads/2022/04/1.jpg)
Тимски новости: Рома
Мурињо нема проблеми со составот и освен повредата на Михтаријан, сите останати се спремни за настап. Почетниот состав веќе се знае и Мурињо ќе одигра со оние на кои најчесто веруваше сезонава.
Стандардната формација на Мурињо во Рома е 3-4-2-1 и ќе стартува со: Патрисио; Манчини, Смолинг, Ибанез; Карсдорп, Кристанте, Оливеира, Залевски; Пелегрини, Заниоло; Абрахам.
![](https://kladenje.mk/wp-content/uploads/2022/04/2.jpg)
Тимски новости: Феенорд
Арне Слот нема да може да смета на Басет кој и така ретко добиваше шанса, како и на првиот голман Билоу кој веќе е повреден половина сезона. Сепак, Марчијано покажа дека е одличен голман и може да одговори на висината на задачата.
Нема сомнеж дека Феенорд ќе игра офанзивно, а ќе стартува во формација 4-2-3-1: Марчијано; Гертруида, Траунер, Сенеси, Маласија; Аурснес, Кокчу; Нелсон, Тил, Синистра; Десери.
![](https://kladenje.mk/wp-content/uploads/2022/04/4.jpg)
Очекување:
Би требало да следиме неизвесен натпревар, онака како што и се очекува од едно европско финале. Според букмејкерите Рома е фаворит и јас се слагам со нив, пред се поради фактот што Мурињо многу добро знае како се доаѓа до Европски трофеј.
Феенорд има три европски титули, но тие се одамна освоени и ќе им фали искуство меѓу играчите. Сигурно холанѓаните ќе играат офанзивно – впрочем не знаат поинаку, но тоа од друга страна ќе и даде шанса на Рома која ќе има поотворен простор, па од таа гледна точка можеме да очекуваме голови и на двете страни. Би одиграл ГГ, или ППХ.
Be the first to comment