По болниот пораз минатото коло, Ница ќе се обиде да се врати против Ремс во последното коло од Лига 1. Ако сакаат во Европа, немаат друга опција освен победа на ова тешко гостување.
Гостите се упатуваат кон Стад Огист-Делаун II со амбиција да завршат на едно од првите пет места на табелата, додека нивните домаќини се прилично задоволни во средината на табелата.
Ремс растеретен очекува крај на сезоната
Ремс имаше добра сезона, но сезона која ќе даде подобра завршна позиција отколку што успеаа во ова време минатата година.
По две неверојатни сезони под водство на Дејвид Гион каде што завршија осми, а пред тоа петти по нивното враќање во првата лига, тие паднаа на 14-тото место во минатата сезона.
12-тото место сега е најлошото на кое што можат да завршат, со можност да завршат и на 11-та позиција ако победат овој викенд.
Моментумот е секако на нивна страна откако тие ја продолжија нивната импресивна серија на гости со победата од 1:2 на гостувањето против тимот на Сент Етјен со што стигнаа до четири победи од нивните последни шест гостински натпревари.
Тие сега ќе се вратат на сопствена трева и ако ништо друго, сакаат завршна победа пред своите навивачи како поттик за нивните поголеми амбиции следната сезона.
Ница мора да победи ако сака во Европа
Ница го пречека Лил на Алијанц ривиера знаејќи дека победата може да ги одржи во борба за пласман на првите три позиции на табелата.
Се чинеше дека се оди добро бидејќи Џастин Клајверт со убав полу-волеј донес епредност од 1:0. Имаа водство на полувремето, но во вториот дел наместо да зададат завршен удар, тие примија три гола и загубија со 1:3.
Со тој пораз им побегна местото во Лигата на шампионите, а во исто време целосно го загрози нивниот пласман во Европа. Сега немаат друга опција освен победа и мораат да нападнат, мораат да одат на се или ништо.
Тие ќе влезат во последниот натпревар од шестото место, зад Стразбург и Рен и сега освен што мораат да победат, треба да се надеваат на кикс на овие две екипи пред нив за да обезбедат пласман во Европа.
Тимски новости: Ремс
Јенс Кајусте (повреда на тетива) и Морето Касама (повреда на скочниот зглоб) нема да играат за Ремс на овој меч, но тоа нема да биде преголем проблем за екипата. Менаџерот Оскар Гарсија најави дека ќе игра со најдобриот тим, но според некои мислења на француските новинари, се очекува од клупата во текот на мечот да им даде шанса и на некои фудбалери кои сезонава не се изнаиграа.
Според наше мислење, Ремс ќе игра во формација 3-5-2: Предраг Рајковиќ; Камори Думбија, Воут Фаес, Јунис Абделхамид; Томас Фокет, Маршал Муњеци, Азор Матусива, Илан Кебал, Бредли Локо; Мичел Ванген и Ел Билал Туре.
Тимски новости: Ница
Шефот на Кристоф Галтиер треба да избере тим со ограничена достапност, бидејќи Јусеф Атал (повреда на рамото) и Алексис Клод-Морис (Операција на глуждот) не се подготвени за настап. Во нормални околности и двајцата би биле во првиот тим.
Галтиер ќе го користи системот 4-4-2: Валтер Бенитез; Џордан Лотомба, Жан-Клер Тодибо, Данте, Мелвин Бард; Хихем Будауи, Пабло Росарио, Марио Лемина, Џастин Клајверт; Енди Делорт и Амин Гуири.
Очекување:
Како што веќе напоменавме, Ница ќе нападне бидејќи нема друга опција но тоа е меч со две острици. Нива има поквалитетен тим на располагање и можеби единствена предност за Ремс е домашниот терен и фактот што ќе играат без притисок. Мислам дека Ница ќе слави победа на овој натпревар.
Be the first to comment