![Наполи Наполи](https://kladenje.mk/wp-content/uploads/2022/02/61f5249a18b24-678x381.jpeg)
По два натпревари во “тешка категорија” во Серија А и Лигата на Европа, наполи го очекува порелаксирано гостување на Сардинија каде ќе игра со Каљари.
Поранешниот тренер на Наполи, Валтер Мацари, им помогна на домашните да избегаат од зоната за испаѓање во последните недели, додека гостите се во трка за титулата по серијата од четири победи од нивните последни шест натпревари во Серија А.
Ремија во двете дербија по ред
Иако обоен со разочарување откако го презеде водството во двата дерби дуели минатата недела, а не забележа победа, сепак тоа може да биде добро за Наполи.
Само неколку дена откако нивната лигашка пресметка со ривалот за Скудетото – Интер заврши нерешено 1:1, во средината на неделата на Камп Ноу одиграа со ист резултат и со Барселона. И ако против Интер имаше простор за големо разочарување, тоа не треба да биде случај со ремито кај Барса. Резултат 1:1 на Камп Ноу е добар резултат, без разлика од која гледна точка гледаш на него.
Елиф Елмас одигра маестрален меч со Барса и беше најзаслужен за водството во 29-та минута со голот на Пјотр Зиелински. Сепак Барса израмни преку Торес за конечни 1:1, резултат кој им дава големи шанси на наполитанците пред реваншот во четврток.
Бројките целосно наклонети кон Наполи
Сепак, пред тој меч, избраниците на Лучијано Спалети мораат да патуваат до Сардинија, каде што победија на секоја од последните шест првенствени средби со Каљари – а Наполи никогаш претходно не победил седум меча по ред на гостувањето кај кој било противник во Серија. А.
Се на се, тие се непоразени во 22 од нивните последни 23 натпревари против Каљари во првата лига, додека имаат 12 меча без примен гол во процесот – нешто на кое што тимот на Спалети е особено вешт во оваа сезона.
По победите од 2:0 на гости против Болоња и Венеција, гостите сега можат да забележат три последователни победи на гостински терен во Серија А за прв пат по три години.
Тие имаат примено најмалку голови во Калчото оваа сезона – само 17 гола, а пет од последните шест тима што примиле 17 или помалку голови во оваа фаза, ја освоиле титулата. Интересно, единствениот исклучок е самиот Наполи во 2018 година.
Мацари ги подобри перфомансите на Каљари
Откако уживаше во златната генерација во Неапол помеѓу 2009 и 2013 година, тренерската кариера на Валтер Мацари доживеа пад. Сега поранешниот шеф на Интер и Ватфорд ја обновува својата репутација во Каљари, кој беше победен само еднаш во Серија А во текот на 2022 година.
Со три победи и две нерешени средби од зимската пауза, само непобедените Наполи и Јувентус загубија помалку од почетокот на годината, а таквата форма конечно ги издигна од последната тројка овој месец.
Додека нивната форма на гости оди на подобро, Каљари сега се обидува да ги подобри своите резултати на домашен терен.
Во понеделник навечер тие тргнуваат во потрага по само трета победа на теренот на Сардинија оваа сезона. Мацари го знае проблемот – одбраната. Каљари прими дури 46 гола во Серија А оваа сезона.
Be the first to comment