![Oldham-away-Dec-21-Matt Форест Грин](https://kladenje.mk/wp-content/uploads/2022/01/Oldham-away-Dec-21-Matt-678x381.jpg)
Форест Грин Роверс му гостува на Ексетер Сити во вторник навечер и има за цел да ја зголеми предноста на врвот во Втората англиска лига на 10 бода.
Ако успее во тоа, тогаш ќе треба да се случи навистина мало чудо за екипата до крајот да ја прокоцка предноста и да не обезбеди директен пласман во Лига Еден.
Додека домашната екипа се чини дека е на добар пат кон промоција, кандидатите за плејоф Ексетер се во катастрофална форма и не успеаја да победат на ниту еден од последните пет натпревари во четвртото лигашко ниво во Англија.
Форест Грин неприкосновен лидер
Откако го одиграа веројатно највозбудливиот меч во Англија во ремито 5:5 со екипата од дното на табелата Олдам Атлетик на 11-ти декември, шефот на Форест Грин – Роб Едвардс ќе направи се за да се врати во победничка серија што е можно поскоро.
Одложувањата поврзани со коронавирусот ги принудија фудбалерите на неочекувана и невообичаена тринеделна пауза до Нова година, кога беа домаќини на Стивениџ.
На многу начини, тоа беше идеален реванш натпревар, а двата гола во второто полувреме обезбедија удобна победа за Форест, зголемувајќи го нивниот рекорд на 10 меча без пораз во лигата.
Иако Едвардс не беше презадоволен од самиот настап, трите поени и чистата мрежа претставуваа совршено попладне на првиот ден од новата година.
Неверојатен пад на формата кај Ексетер
Ексетер поминаа голем дел од сезоната во во горниот дел од табелата и во битка за директна промоција – последица на тримесечен период без пораз кој вклучуваше 15 натпревари.
Сепак, неочекувано оваа екипа почна да игра катастрофално. Сега имаат само еден бод од нивните последни пет натпревари, па тимот на Мет Тејлор сега има два бода помалку од местата кои носат место во плејофот.
Тринеделната пауза веројатно се слуи во добро време за нив, но наместо да се консолидираат тие на 1-ви Јануари продолжија со поразите. Гостуваа кај Сатон кој дојде до победа од 2:1 со гол постигнат во 89-та минута.
Како и да е, треба да се забележи дека средбата со Форест Грин го комплетира сетот од четири последователни натпревари против најдобрите четири екипи во дивизијата, нешто што треба да им даде барем некаква надеж пред продолжувањето на борбата за висок пласман. Сепак, за оваа екипа по овој меч следуваат серија на полесни натпревари.
Be the first to comment