ТИП НА ДЕНОТ (26.10.2022, 21:00 часот) БАРСЕЛОНА – БАЕРН МИНХЕН

Тип на денот
Тип на денот

Во среда има голем дерби меч во Лигата на Шампионите, Барселона – Баерн Минхен и токму овој дуел е нашиот ТИП НА ДЕН. Барселона се надева дека ќе ги задржи шансите за пласман во нокаут рундата од Лигата на шампионите по натпреварот со Баерн Минхен на Камп Ноу во среда навечер.

Каталонскиот тим е трет во групата Ц, со три бода помалку од второпласираниот Интер, кој би се квалификувал победувајќи ја Викторија Плзен, додека Баерн е на врвот на табелата со 12 бода, откако ги доби сите четири натпревари до сега.

Барса мора да победи и да навива за Плзен

Барселона има 28 бода од 11 натпревари во Примера оваа сезона победувајќи го Атлетик Билбао со 4:0 во неделата вечерта, а во листата на стрелците се запишаа Усман Дембеле, Серхи Роберто, Роберт Левандовски и Феран Торес.

Сепак, нема никакво бегање од фактот дека тимот има разочарувачка сезона во групната фаза во Лигата на шампионите. Барса освои само четири бода од четири натпревари за да се најде на третото место, со три бода помалку од второпласираниот Интер пред последните два натпревари од групата Ц.

Сега за се се прашува Интер, кој доколку слави над Плзен ќе си го осигура второто место на табелата. На гигантите од Ла Лига им треба услуга од Плзен, а потоа ќе треба и да го победат Баерн. Шансите се мали, но сеуште постојат и Барса ќе направи се за да остане во игра до крајот.

Баерн Минхен во одлична форма

Местото на Баерн на врвот на табелата не е изненадување со оглед на нивниот квалитет, но екипата имаше импресивен настап досега, забележувајќи четири победи од четири натпревари, постигнувајќи 13 голови, а примајќи само два гола.

Тимот на Нагелсман ги победи Интер и Барселона со по 2:0 во нивните први два натпревари во групата пред на два пати да слави над Плзен, победувајќи со 5:0 на домашен терен на почетокот на месецот и со 2:4 на гости во предходното коло.

Баерн сега има четири победи во серија во сите натпреварувања, на кој ја подигна формата уште повеќе. Само на овие последни четири средби тие дадоа неверојатни 16 гола, или во просек по четири гола по натпревар.

Гигантите од Минхен, кои го освоија европскиот куп во шест наврати, всушност беа исфрлени од Виљареал во четврт-финалето на натпреварувањето минатата сезона, додека исто така не успеаја да го поминат осминафиналето во 2020-2021 година, губејќи од ПСЖ, па сега сакаат да играат во големото финале.

Тимски новости: Барселона

На Барселона повторно ќе му недостига Роналд Араухо за овој натпревар по операцијата на препоните, додека Андреас Кристенсен и Мемфис Депај исто така ќе останат надвор од теренот. Каталонскиот тим претрпе нов удар со повреда викендов, при што Серхи Роберто го измести рамото, па Хектор Белерин би можел да започне како десен бек против Баерн.

Можна почетна постава на Барселона 4-3-3: Тер Штеген; Белерин, Кунде, Гарсија, Алонсо; Де Јонг, Бускетс, Педри; Дембеле, Левандовски, Гави

Тимски новости: Баерн Минхен

Мануел Нојер, Лукас Ернандез, Лерој Сане и Буна Сар поради повреда ќе го пропуштат мечот во среда навечер. Би требало Садио Мане да ја предводи офанзивата за гигантите од Минхен, со Кингсли Коман и Серж Гнабри по страничните позиции и со Џамал ​​Мусиала како број 10.

Можна почетна постава на Баерн Минхен 4-2-3-1: Улрајх; Павард, Упамекано, Де Лигт, Дејвис; Кимих, Горецка; Коман, Мусиала, Гнабри; Мане

Очекување:

Баерн Минхен славеше на првиот меѓусебен меч со 2:0 и целосно го надигра тимот на барса. Сега тие си ја завршија својата работа во групата, но тоа не значи дека ќе имаат помалку мотиви во Шпанија. Мислам дека Баерн е повторно фаворит, особено што нема да се залетува премногу и ќе биде претпазлив. Сепак, мислам дека ќе следиме ефикасен меч и очекувам голови и на двете страни.

ТИП:

Барселона – Баерн Минхен – ГГ @ 1.38 во Mozzart

Be the first to comment

Leave a Reply

Your email address will not be published.


*